ഗുവാഹത്തി|അസമിലെ നാഗോണ് ജില്ലയില് രാജധാനി എക്സ്പ്രസ് ആനക്കൂട്ടത്തിലേക്ക് ഇടിച്ചുകയറി അപകടം. അപകടത്തില് എട്ട് ആനകള് ചരിഞ്ഞു. ട്രെയിനിന്റെ എഞ്ചിനും അഞ്ച് കോച്ചുകളും പാളം തെറ്റി. ഡിസംബർ 20 ശനിയാഴ്ച പുലര്ച്ചെ 2.17-ഓടെയാണ് അപകടം. ന്യൂഡല്ഹിയിലേക്ക് പോവുകയായിരുന്ന രാജധാനി എക്സ്പ്രസ് ആനക്കൂട്ടത്തിലേക്ക് ഇടിച്ചുകയറുകയായിരുന്നു. ട്രെയിനിലെ യാത്രക്കാരെല്ലാം സുരക്ഷിതരാണെന്ന് റെയില്വേ അധികൃതര് അറിയിച്ചു
ട്രെയിനിലെ യാത്രക്കാര്ക്കോ റെയില്വേ ജീവനക്കാര്ക്കോ പരുക്കില്ല.
ട്രാക്കില് ആനക്കൂട്ടത്തെ കണ്ട ഉടന് ലോക്കോ പൈലറ്റ് എമര്ജന്സി ബ്രേക്ക് പ്രയോഗിച്ചെങ്കിലും അപകടം ഒഴിവാക്കാനായില്ല. ഗുവാഹത്തിയില് നിന്ന് ഏകദേശം 126 കിലോമീറ്റര് അകലെയാണ് അപകടസ്ഥലം. ഈ പ്രദേശം ആനകള് സഞ്ചരിക്കുന്ന പ്രത്യേക ഇടനാഴിയായി അടയാളപ്പെടുത്തിയ സ്ഥലമല്ലെന്ന് റെയില്വേ അധികൃതര് പറഞ്ഞു. അപകടത്തിന്റെ തീവ്രത വലുതായിരുന്നെങ്കിലും ട്രെയിനിലെ യാത്രക്കാര്ക്കോ റെയില്വേ ജീവനക്കാര്ക്കോ പരുക്കില്ല. പാളം തെറ്റിയ കോച്ചുകളിലെ യാത്രക്കാരെ അതേ ട്രെയിനിലെ തന്നെ ഒഴിവുള്ള മറ്റ് സീറ്റുകളിലേക്ക് മാറ്റി..
