ന്യൂഡല്ഹി: തൊഴില് നിയമങ്ങളില് നിര്ണായകമായ പരിഷ്കരണങ്ങള് നടത്തി നാല് തൊഴില്ച്ചട്ടങ്ങള് (ലേബര് കോഡ്) സര്ക്കാര് വിജ്ഞാപനം ചെയ്തു. ഗിഗ് വര്ക്കര്മാര്ക്ക് സാര്വത്രിക സാമൂഹികസുരക്ഷ പരിരക്ഷ, എല്ലാ ജീവനക്കാര്ക്കും നിര്ബന്ധിത നിയമന ഉത്തരവ്, നിയമപ്രകാരമുള്ള മിനിമം വേതനം, സമയബന്ധിതമായ ശമ്പള വിതരണം എന്നിവ ഉറപ്പുവരുത്തുന്നതാണ് നാല് തൊഴില് ചട്ടങ്ങള്.
നിലവിലുള്ള 29 വ്യത്യസ്ത ചട്ടങ്ങള്ക്ക് പകരം ഏകീകൃത തൊഴില്ച്ചട്ടം
നിലവിലുള്ള 29 വ്യത്യസ്ത ചട്ടങ്ങള്ക്ക് പകരമായാണ് ഏകീകൃത തൊഴില്ച്ചട്ടം. 2019ലെ വേതനച്ചട്ടം (കോഡ് ഓഫ് വേജസ്), 2020ലെ വ്യവസായ ബന്ധച്ചട്ടം (ഇന്ഡസ്ട്രിയല് റിലേഷന്സ് കോഡ്), 2020ലെ സാമൂഹിക സുരക്ഷാചട്ടം (കോഡ് ഓണ് സോഷ്യല് സെക്യൂരിറ്റി), 2020ലെ ജോലി സംബന്ധമായ സുരക്ഷ, ആരോഗ്യ, പ്രവര്ത്തന സാഹചര്യം എന്നിവ സംബന്ധിച്ചചട്ടം (ഒക്കുപേഷണല് സേഫ്റ്റി, ഹെല്ത്ത് ആന്ഡ് വര്ക്കിംഗ് കണ്ടീഷന്സ്) എന്നിവയാണ് ചട്ടങ്ങള്.
40 വയസിന് മുകളിലുവര്ക്ക് വാര്ഷിക ആരോഗ്യ പരിശോധന, ഇഎസ്ഐ പരിരക്ഷ
സ്ത്രീകള്ക്ക് വിപുലമായ അവകാശങ്ങളും സുരക്ഷയും പരിഷ്കരണത്തിന്റെ ഭാഗമാണ്. സുരക്ഷാ ക്രമീകരണങ്ങളോടെ സ്ത്രീകള്ക്ക് രാത്രികാല ഷിഫ്റ്റ് ജോലി അനുവദിക്കും. 40 വയസിന് മുകളിലുവര്ക്ക് വാര്ഷിക ആരോഗ്യ പരിശോധന, രാജ്യം മുഴുവന് പ്രാബല്യമുള്ള ഇഎസ്ഐ പരിരക്ഷ, ഏക രജിസ്ട്രേഷന് എന്നിവ ചട്ടങ്ങളുടെ ഭാഗമാണെന്ന് പ്രധാനമന്ത്രി നരേന്ദ്രമോദി പറഞ്ഞു.
