തിരുവനന്തപുരം | ഈ മാസം 22 മുതല് അനിശ്ചിതകാല പണിമുടക്ക് പ്രഖ്യാപിച്ച ബസുടമകളെ ചര്ച്ചയ്ക്ക് വിളിച്ച് ഗതാഗതമന്ത്രി കെബി ഗണേഷ് കുമാര്. ഇന്ന് (ജൂലൈ16) വൈകീട്ട് മൂന്നരക്കാണ് ചര്ച്ച. വിദ്യാര്ഥികളുടെ ടിക്കറ്റ് നിരക്ക് വര്ധനയടക്കമുള്ള വിവിധ ആവശ്യങ്ങള് ഉന്നയിച്ചാണ് സംയുക്ത സമരസമിതി പണിമുടക്ക് പ്രഖ്യാപിച്ചത്.
ഇടക്കിടെയുള്ള പരിശോധനയും അന്യായ പിഴ ചുമത്താലും അവസാനിപ്പിക്കണം
വിദ്യാര്ഥികളുടെ ടിക്കറ്റ് നിരക്ക് വര്ധിപ്പിക്കണം, 140 കിലോമീറ്ററിന് മുകളില് പെര്മിറ്റ് അനുവദിക്കണം, മോട്ടോര് വാഹന വകുപ്പിന്റെയും പോലീസിന്റെയും ഇടക്കിടെയുള്ള പരിശോധനയും അന്യായ പിഴ ചുമത്താലും അവസാനിപ്പിക്കണം തുടങ്ങിയ ആവശ്യങ്ങളാണ് ബസ് ഉടമകള് മുന്നോട്ട് വെക്കുന്നത്.
ബസ് ഉടമകളുമായി മുമ്പ് ചര്ച്ച നടത്തിയിരുന്നെങ്കിലും സമവായമായിരുന്നില്ല
ഗതാഗത കമ്മീഷണര് ആദ്യ ഘട്ടത്തില് ബസ് ഉടമകളുമായി ചര്ച്ച നടത്തിയിരുന്നെങ്കിലും സമവായമായില്ല. തുടര്ന്ന് ഏഴാം തിയതി സൂചന പണിമുടക്ക് നടത്തിയിരുന്നു. ഇതിനുശേഷമാണ് ബസുടമകള് അനിശ്ചിതകാല പണിമുടക്ക് പ്രഖ്യാപിച്ചത്. ഇതിനുപിന്നാലെയാണ് മന്ത്രി സ്വകാര്യം ബസ് ഉടമകളെ ചര്ച്ചക്ക് വിളിച്ചിരിക്കുന്നത്..
