കോട്ടയം: വാഗമണ് വഴിക്കടവില് ചാര്ജിങ് സ്റ്റേഷനിലേക്ക് കാറിടിച്ചു കയറി നാലുവയസ്സുകാരന് മരിച്ചു. നേമം സ്വദേശി ആര്യയുടെ മകന് അയാന് ആണ് മരിച്ചത്. ആര്യയ്ക്കും ഗുരുതരമായി പരിക്കേറ്റു. അപകടത്തിന്റെ സിസിടിവി ദൃശ്യങ്ങള് പുറത്തുവന്നു.2025 ജൂലൈ 12 ശനിയാഴ്ച വൈകുന്നേരം മൂന്നുമണിയോടെയായിരുന്നു സംഭവം.
ചാര്ജിങ് സ്റ്റേഷന്റെ മറ്റൊരു ഭാഗത്ത് കസേരയില് ഇരിക്കുകയായിരുന്നു ആര്യയും കുഞ്ഞും
.കാര് ചാര്ജ് ചെയ്യാന് നിര്ത്തിയിട്ട് ചാര്ജിങ് സ്റ്റേഷന്റെ മറ്റൊരു ഭാഗത്ത് കസേരയില് ഇരിക്കുകയായിരുന്നു ആര്യയും കുഞ്ഞും. ഇതിനിടെ ചാര്ജ് ചെയ്യാന് എത്തിയ മറ്റൊരു കാര് നിയന്ത്രണംവിട്ട് അയാന്റെയും ആര്യയുടെയും മേല് ഇടിച്ചുകയറുകയായിരുന്നു.
ഗുരുതരമായി പരിക്കേറ്റ ആര്യയെ പാലായിലെ ആശുപത്രിയില് പ്രവേശിപ്പിച്ചു. അയാനെയും ആശുപത്രിയില് എത്തിച്ചെങ്കിലും ജീവന് രക്ഷിക്കാന് കഴിഞ്ഞില്ല. പാല പോളിടെക്നിക് കോളേജിലെ അദ്ധ്യാപികയാണ് ആര്യ. അപകടമുണ്ടാക്കിയ കാര് ഈരാറ്റുപേട്ട സ്വദേശിയുടേതാണ് എന്നാണ് വിവരം
