ബംഗളൂരു: സിഎംഐ സഭയുടെ കീഴിലുള്ള ബംഗളൂരു ധർമാരാം വിദ്യാക്ഷേത്രം പ്രസിഡന്‍റായി റവ. ഡോ. മാത്യു ആറ്റിങ്കലിനെ വത്തിക്കാൻ നിയമിച്ചു.കത്തോലിക്കാ വിദ്യാഭ്യാസത്തിനുള്ള പൊന്തിഫിക്കല്‍ പദവിയുള്ള സ്വതന്ത്ര സ്ഥാപനമാണു ധർമാരാം വിദ്യാക്ഷേത്രം. സീറോമലബാർ സഭ മേജർ ആർച്ച്‌ബിഷപ് ചാൻസലറും സിഎംഐ സന്യാസസഭയുടെ വികാർ ജനറല്‍ വൈസ് ചാൻസലറുമായാണു പ്രവർത്തനം.
ബിരുദങ്ങള്‍ നല്‍കാൻ അധികാരമുള്ള സ്വതന്ത്രസ്ഥാപനമാണിത്.
1957 ജൂണ്‍ ഒന്നിന് പ്രവർത്തനമാരംഭിച്ച ധർമാരാം വിദ്യാക്ഷേത്രത്തില്‍ ഇതിനോടകം ഒട്ടേറെ വൈദികരെ പരിശീലിപ്പിച്ചിട്ടുണ്ട്. തത്വശാസ്ത്രത്തിലും ദൈവശാസ്ത്രത്തിലും ലൈസൻഷ്യേറ്റ്, ഡോക്‌ടറേറ്റ്, ഓറിയന്‍റല്‍ കാനൻ നിയമത്തില്‍ ലൈസൻഷ്യേറ്റ്, കൗണ്‍സലിംഗില്‍ ലൈസൻഷ്യേറ്റ്, മാസ്റ്റേഴ്സ് എന്നിവയുള്‍പ്പെടെയുള്ള ബിരുദങ്ങള്‍ നല്‍കാൻ അധികാരമുള്ള സ്വതന്ത്രസ്ഥാപനമാണിത്.
മുണ്ടക്കയം കോരുത്തോട് മടുക്കയില്‍ ആറ്റിങ്കല്‍ ചെറിയാൻ-മറിയാമ്മ ദമ്ബതികളുടെ മകനായ റവ. ഡോ. മാത്യു ആറ്റിങ്കല്‍ സിഎംഐ കോട്ടയം സെന്‍റ് ജോസഫ്‌ പ്രവിശ്യ അംഗമാണ്.
