തിരുവനന്തപുരം : കുപ്രസിദ്ധ ഗുണ്ട ഓംപ്രകാശിനെ പൊലീസ് കസ്റ്റഡിയിലെടുത്തു. സിറ്റി പൊലീസ് കമ്മീഷണറുടെ സ്പെഷ്യല് ഡ്രൈവിനിടെയാണ് ഓം പ്രകാശിനെ കരുതല് തടവിലാക്കിയത്. ആക്കുളത്തിന് സമീപത്തെ ആഡംബര ഹോട്ടലില് സുഹൃത്തിനൊപ്പം മദ്യപിക്കാന് എത്തിയതായിരുന്നു ഓം പ്രകാശ്. ഇതിനിടെയാണ് പൊലീസ് കസ്റ്റഡിയിലെടുത്തത്.
കഴക്കൂട്ടം- തുമ്പ സ്റ്റേഷന് പരിധിയിലെ ബാറുകളില് എത്തി ഓംപ്രകാശ് അനധികൃത ഇടപാടുകള് നടത്തുന്നത് ശ്രദ്ധയില്പ്പെട്ട പൊലീസ് ഇയാളെ നിരീക്ഷിച്ചു വരികയായിരുന്നു. നഗരത്തിലെ ഗുണ്ടാസംഘങ്ങള് തമ്മില് പല തവണ ഏറ്റുമുട്ടിയത് പൊലീസിന് തലവേദനയായിരുന്നു. ഇതിനെ തുടര്ന്ന് ഗുണ്ടാ സംഘങ്ങളിലുള്ളവരെ നിരന്തരമായി നിരീക്ഷണം ഏര്പ്പെടുത്തിയിരുന്നു.
..
