തൃശൂർ: വഞ്ചിയൂരില്‍ റോഡ് തടഞ്ഞു പൊതുയോഗം നടത്തിയതിനെ ന്യായീകരിച്ച്‌ സിപിഎം പോളിറ്റ് ബ്യൂറോ അംഗം എ. വിജയരാഘവൻ.കാറില്‍ പോകേണ്ട കാര്യമുണ്ടോ, നടന്നും പോകാമല്ലോ എന്നായിരുന്നു സിപിഎം കുന്നംകുളം ഏരിയാ സമ്മേളനത്തിന്‍റെ ഭാഗമായ പൊതുസമ്മേളനത്തില്‍ വിജയരാഘവൻ ചോദിച്ചത്.
റോഡില്‍ പൊതുയോഗം വച്ചതിനു സുപ്രീംകോടതിയില്‍ പോകുകയാണ്. വലിയ പബ്ലിസിറ്റി കിട്ടും.
അല്ലെങ്കില്‍ ഇവിടെ ട്രാഫിക് ജാമില്ലേ. എല്ലാവരുംകൂടി കാറില്‍ പോകാതെ നടന്നുപോകാമല്ലോ. കാറുള്ളവർ കാറില്‍ പോകുന്നതുപോലെതന്നെ പാവങ്ങള്‍ക്കു ജാഥ നടത്താനും അനുവാദം വേണമെന്നും സോഷ്യലിസം വരുന്നതിനാണ് കമ്യൂണിസ്റ്റ് പാർട്ടി പ്രവർത്തിക്കുന്നതെന്നും വിജയരാഘവൻ അഭിപ്രായപ്പെട്ടു
