തിരുവനന്തപുരം: വിനോദ സഞ്ചാര കേന്ദ്രമായ വര്‍ക്കലയില്‍ ഭക്ഷ്യവിഷബാധ. വര്‍ക്കല ക്ഷേത്രം റോഡിലെ ന്യൂ സ്‌പൈസി, എലിഫന്റ് ഈറ്ററി എന്നീഹോട്ടലുകളില്‍ നിന്ന് ഭക്ഷണം കഴിച്ച 22 പേർക്കാണ് വിഷബാധയേറ്റത് . ഹോട്ടലുകളില്‍ നിന്ന് ചിക്കന്‍ അല്‍ഫാം, കുഴിമന്തി, ഷവര്‍മ തുടങ്ങിയ ഭക്ഷണ വിഭവങ്ങള്‍ കഴിച്ചവര്‍ക്കാണ് ആരോഗ്യ പ്രശ്നങ്ങൾ ഉണ്ടായത്. സംഭവത്തെ തുടര്‍ന്ന് രണ്ട് ഹോട്ടലുകളും ആരോഗ്യ വകുപ്പ് അടപ്പിച്ചു.
വയറുവേദനയും വയറിളക്കവും അധികരിച്ചതോടെ ആശുപത്രിയില്‍ ചികിത്സ തേടുകയായിരുന്നു
.2024 ഒക്ടോബർ 12 ശനിയാഴ്ചയാണ് ഈ രണ്ട് ഹോട്ടലുകളില്‍ നിന്ന് ആളുകള്‍ പാഴ്‌സലായും നേരിട്ടെത്തിയും ഭക്ഷണം കഴിച്ചത്.നേരത്തെയും ഈ ഹോട്ടലുകള്‍ക്കെതിരെ ആരോഗ്യ വകുപ്പ് നടപടിയെടുത്തിയിട്ടുണ്ട്. ഒരേ മാനേജ്‌മെന്റിന് കിഴീലുള്ള രണ്ട് ഹോട്ടലുകളാണ് പൂട്ടിയത്ഭ. ഭക്ഷണം കഴിച്ചവര്‍ക്ക് രാത്രിയോടെ വയറുവേദനയും ഛര്‍ദ്ദിയും അനുഭവപ്പെട്ടു.രാവിലെയോടെ തലവേദനയും ഛര്‍ദിയും വയറുവേദനയും വയറിളക്കവും അധികരിച്ചതോടെ ആശുപത്രിയില്‍ ചികിത്സ തേടുകയായിരുന്നു. ചികിത്സ തേടിയവരുടെ ആരോഗ്യ നില തൃപ്തികരമാണ്.
