.കൊച്ചി: നടനും ബിജെപി നേതാവുമായ സുരേഷ് ഗോപി കെസിബിസി ആസ്ഥാനം സന്ദർശിച്ച് വൈദികരുമായി കൂടിക്കാഴ്ച നടത്തി . ഒരു മണിക്കൂറോളം സുരേഷ് ഗോപി കെസിബിസി ആസ്ഥാനത്ത് ചിലവഴിച്ച് . വൈദികരുമായി സംസാരിച്ചു. ഭക്ഷണം കഴിച്ചു. പുതുപ്പള്ളി ഉപതെരഞ്ഞെടുപ്പുമായി സന്ദർശനത്തിനൊരു ബന്ധവുമില്ലെന്ന് സുരേഷ് ഗോപി മാധ്യമങ്ങളോട് പറഞ്ഞു.
അതേസമയം, വരാപ്പുഴ ബിഷപ്പ് ഹൗസ് സന്ദർശനം സൗഹൃദ സന്ദർശനം മാത്രമായിരുന്നില്ലെന്ന് സുരേഷ് ഗോപി പറഞ്ഞു. വിശ്വാസ സമൂഹത്തിന്റെ ചില കാര്യങ്ങൾ പങ്കുവയ്ക്കാനാണ് വരാപ്പുഴ അതിരൂപത ആസ്ഥാനത്തെത്തിയതെന്ന് സുരേഷ് ഗോപി പറഞ്ഞു. കൂടിക്കാഴ്ചയിൽ മണിപ്പൂർ സംഭവങ്ങളൊന്നും ചർച്ച ചെയ്തിട്ടില്ലെന്നും സുരേഷ് ഗോപി കൂട്ടിച്ചേർത്തു.
