.ബെംഗളൂരു: ചന്ദ്രയാൻ- 3 ചരിത്ര വിജയത്തിനു പിന്നിൽ പ്രവർത്തിച്ച ശാസ്ത്രജ്ഞരെ അഭിനന്ദിക്കാൻ പ്രധാനമന്ത്രി നരേന്ദ്രമോദി ബെംഗളൂരുവിലെത്തി. ഗ്രീസ് സന്ദർശനം പൂർത്തിയാക്കി അദ്ദേഹം നേരിട്ടു ബെംഗളൂരുവിലേക്ക് എത്തുകയായിരുന്നു.
ഐഎസ്ആർഒ ശാസ്ത്രജ്ഞരെ കാണാൻ കാത്തിരിക്കുന്നു എന്ന് മോദി എക്സ് പ്ലാറ്റ്ഫോമിൽ കുറിച്ചു.‘ബെംഗളൂരുവിൽ എത്തി. ചന്ദ്രയാൻ 3 ന്റെ വിജയത്തിലൂടെ രാജ്യത്തിന്റെ യശസ്സ് ഉയർത്തിയ ഐഎസ്ആർഒ ശാസ്ത്രജ്ഞരെകാണാൻ കാത്തിരിക്കുന്നു. അവരുടെ സമർപ്പണവും അഭിനിവേശവുമാണ് ബഹിരാകാശ മേഖലയിൽ രാജ്യത്തിന്റെ നേട്ടങ്ങൾക്കു പിന്നിലെ ചാലകശക്തി’– മോദി ട്വീറ്റ് ചെയ്തു.
ബെംഗളൂരുവിലെത്തിയ മോദി ഐഎസ്ആർഒ ടെലിമെട്രി ട്രാക്കിങ് ആൻഡ് കമാൻഡ് നെറ്റ്‍വർക്ക്(ഇസ്ട്രാക്) .സന്ദർശിക്കും. ചന്ദ്രയാൻ 3 ദൗത്യത്തിന്റെ പുരോഗതിയെ കുറിച്ച് ശാസ്ത്രജ്ഞർ പ്രധാനമന്ത്രിയെ അറിയിക്കും. .
