രാജ്യത്ത് ഏറ്റവും കൂടുതൽ സുരക്ഷിത നഗരങ്ങളുള്ള ആദ്യ സംസ്ഥാനമായി ഉത്തർപ്രദേശ് മാറുമെന്ന് മുഖ്യമന്ത്രി യോഗി ആദിത്യനാഥ് . ’18 ‘സുരക്ഷിത നഗരങ്ങൾ’ ഉള്ള രാജ്യത്തെ ആദ്യത്തെ സംസ്ഥാനമായി ഉത്തർപ്രദേശിനെ മാറ്റും. അടുത്ത മൂന്ന് മാസത്തിനുള്ളിൽ 17 മുനിസിപ്പൽ കോർപ്പറേഷനുകളും ഗൗതം ബുദ്ധ് നഗറും ‘സുരക്ഷിത നഗരങ്ങളായി’ വികസിപ്പിക്കും .ഇന്റർ ഡിപ്പാർട്ട്മെന്റുകളുടെ ഏകോപനത്തിലൂടെ ഇതിനുള്ള പണം വകയിരുത്തുമെന്നും യോഗി ആദിത്യനാഥ് പറഞ്ഞു.
സ്ത്രീ സുരക്ഷയ്ക്കൊപ്പം പ്രായമായവർ, കുട്ടികൾ, ദിവ്യാംഗർ എന്നിവരുടെ സുരക്ഷയും പദ്ധതിയിൽ ഉൾപ്പെടുത്തും.സംസ്ഥാനത്ത് നടപ്പാക്കുന്ന സേഫ് സിറ്റി പദ്ധതിയുടെ വിപുലീകരണത്തിനുള്ള കർമപദ്ധതി അവലോകനം ചെയ്യവെ, എല്ലാ നഗരങ്ങളുടെയും വികസനം സംബന്ധിച്ച നിർദേശങ്ങൾ മുഖ്യമന്ത്രി നൽകി. സംസ്ഥാനം, കഴിഞ്ഞ ആറ് വർഷമായി ഈ ദിശയിൽ നടത്തിയ ശ്രമങ്ങൾ പ്രതീക്ഷ നൽകുന്ന ഫലങ്ങൾ നൽകിയിട്ടുണ്ടെന്നും അദ്ദേഹം പറഞ്ഞു.
“ഇന്ന്, സംസ്ഥാനത്ത് എല്ലാ സ്ത്രീകളും എല്ലാ ബിസിനസുകാരും സുരക്ഷിതരാണ്. ആളുകൾക്ക് സുരക്ഷിതത്വ ബോധമുണ്ട്. ഈ വിശ്വാസം നിലനിൽക്കണമെങ്കിൽ, ഞങ്ങൾ ജാഗ്രതാ മോഡിൽ ആയിരിക്കണം . ഇതിനായി സേഫ് സിറ്റി പദ്ധതി വളരെ ഉപയോഗപ്രദമാണെന്ന് തെളിയിക്കുന്നു. സ്ത്രീകളുടെ സുരക്ഷ, അന്തസ്സ്, സ്വാശ്രയത്വം എന്നിവ ഉറപ്പാക്കാൻ കഴിയണം ” അദ്ദേഹം പറഞ്ഞു.
സാമൂഹ്യക്ഷേമ വകുപ്പും നഗരവികസന വകുപ്പും ചേർന്ന് ഭിന്നശേഷിയുള്ളവരുടെയോ ഭിക്ഷാടനത്തിൽ ഏർപ്പെട്ടിരിക്കുന്നവരുടെയോ ചിട്ടയായ പുനരധിവാസത്തിനായി പ്രവർത്തിക്കണമെന്നും യോഗി ആദിത്യനാഥ് വ്യക്തമാക്കി. സേഫ് സിറ്റി എന്ന ആശയം സാക്ഷാത്കരിക്കുന്നതിന് പൊതുഗതാഗത വാഹനങ്ങളുടെ ഡ്രൈവർമാരുടെ പരിശോധന അനിവാര്യമാണെന്നും ടാക്സി, ഇ-റിക്ഷ, ഓട്ടോ, ടെമ്പോ മുതലായവയുടെ ഡ്രൈവർമാരെ പോലീസ് കൃത്യമായി പരിശോധിക്കണമെന്നും യോഗി നിർദേശിച്ചു
