ചെന്നൈ: നാടും നാട്ടു മക്കളും എന്ന ടാഗ്‌ലൈനോടെ എസ്‌ ജെ അര്‍ജുന്‍ സംവിധാനം ചെയ്യുന്ന ചിത്രമാണ് സൂദു കവ്വും 2. ചിത്രത്തിന്റെചിത്രത്തിന്റെ മോഷന്‍ പോസ്റ്റര്‍ സംവിധായകന്‍ വെങ്കട്ട് പ്രഭു, രാംകുമാര്‍, ആര്‍ജെ ബാലാജി, സംഗീതസംവിധായകന്‍ ജിവി പ്രകാശ് കുമാര്‍ എന്നിവര്‍ ചേര്‍ന്ന് പുറത്തിറക്കി.
സൂദു കവ്വും 2′ ഒരു ശരിയായ തുടര്‍ച്ചയായിരിക്കുമെന്നും ഒരു ഒറ്റപ്പെട്ട ചിത്രമല്ലെന്നും സിവി കുമാര്‍ നേരത്തെ വെളിപ്പെടുത്തിയിരുന്നു. ആദ്യ ഭാഗത്തെ ബന്ധിപ്പിക്കുന്ന ധാരാളം ഘടകങ്ങള്‍ ഉണ്ടാകും.
മിര്‍ച്ചി ശിവ നായകനായ ചിത്രം രണ്ടാഴ്ച മുമ്പ് ആരംഭിച്ചു . രമേഷ് തിലക്, കരുണാകരന്‍, രാധാ രവി, യോഗ് ജാപ്പി തുടങ്ങി ആദ്യ ചിത്രത്തിലെ അഭിനേതാക്കള്‍ ഈ പദ്ധതിയുടെ ഭാഗമാകും. എഡ്വിന്‍ ലൂയിസ് സംഗീതസംവിധാനം നിര്‍വ്വഹിച്ചിരിക്കുന്ന ചിത്രത്തിന്റെ ഛായാഗ്രഹണവും എഡിറ്റിംഗും യഥാക്രമം കാര്‍ത്തിക് കെ തില്ലയും ഇഗ്നേഷ്യസ് അശ്വിനും നിര്‍വഹിക്കുന്നു.
