കൊല്ക്കത്ത: പൗരത്വ ഭേദഗതി നിയമം (സി.എ.എ) നടപ്പാക്കാനുള്ള നടപടികള് രാജ്യത്താരംഭിച്ചെന്നും സംസ്ഥാനസര്ക്കാരിന് അതില് നിന്ന് മാറിനില്ക്കാനാവില്ലെന്നും പശ്ചിമബംഗാള് പ്രതിപക്ഷനേതാവ് സുവേന്ദു അധികാരി. സി.എ.എയുടെ ചട്ടങ്ങള് കേന്ദ്രസര്ക്കാര് തയാറാക്കിയതായും ബി.ജെ.പി. നേതാവുകൂടിയായ സുവേന്ദു പറഞ്ഞു. പാകിസ്താന്, ബംഗ്ലാദശ്, അഫ്ഗാനിസ്ഥാന് എന്നിവിടങ്ങളില്നിന്നു കുടിയേറിയ സിഖ്, ബുദ്ധ,ജൈന, പാഴ്സി, ്രകിസ്ത്യന് മതവിഭാഗങ്ങളില്പ്പെട്ടവര്ക്കു പൗരത്വ സര്ട്ടിഫിക്കറ്റ് നല്കാന് ഗുജറാത്തിലെ മെഹ്സാന, ആനന്ദ് ജില്ലാ കലക്ടര്മാര്ക്കു കേന്ദ്ര ആഭ്യന്തരമന്ത്രാലയം അനുമതി നല്കിയതിനു പിന്നാലെയാണു സുവേന്ദുവിന്റെ പ്രസ്താവന. ഈ ജില്ലകളില് സി.എ.എ. നടപ്പാക്കിത്തുടങ്ങിയതായി അദ്ദേഹം പറഞ്ഞു. ”സി.എ.എ. രാജ്യമെമ്പാടും നടപ്പാക്കും. രാജ്യത്തെ ഒരു സംസ്ഥാനമായ ബംഗാളിന് അതില്നിന്നു മാറിനില്ക്കാനാവില്ല”- സി.എ.എയ്ക്കെതിരേ നിയമസഭയില് പ്രമേയം പാസാക്കിയതിനോടു പ്രതികരിക്കവേ സുവേന്ദു ചൂണ്ടിക്കാട്ടി.
പൗരത്വ ഭേദഗതി നിയമം നടപ്പാക്കാനുള്ള നടപടികള് രാജ്യത്താരംഭിച്ചെന്ന് സുവേന്ദു അധികാരി
