ഒരേ സമയം തമിഴിലും മലയാളത്തിലുമായി ഒരുങ്ങിയ ചിത്രമാണ് ഒറ്റ്.കുഞ്ചാക്കോ ബോബനും അരവിന്ദ് സ്വാമിയും ഒന്നിക്കുന്ന ചിത്രത്തിന്റെ തമിഴിലെ പേര് രണ്ടകം എന്നാണ്.
തെലുങ്ക് താരം ഈഷ റെബ്ബയാണ് സിനിമയില് നായികയായി എത്തുന്നത്. ഇരുപത്തിയഞ്ച് വര്ഷങ്ങള്ക്ക് ശേഷം അരവിന്ദ് സ്വാമി മലയാളത്തിലേക്കെത്തുന്ന ചിത്രമാണിത്. ജാക്കി ഷറോഫ് ആണ് ചിത്രത്തിലെ മറ്റൊരു പ്രധാന താരം. ത്രില്ലര് പശ്ചാത്തലത്തില് ഒരുക്കിയ ചിത്രത്തിന്റെ തിരക്കഥ എഴുതിയിരിക്കുന്നത് എസ് സഞ്ജീവാണ്. ദി ഷോ പീപ്പിളിന്റെ ബാനറില് സിനിമ താരം ആര്യയും ഓഗസ്റ്റ് സിനിമാസിന്റെ ബാനറില് ഷാജി നടേശനും ചേര്ന്നാണ് ചിത്രം നിര്മ്മിച്ചിരിക്കുന്നത്.
ഇപ്പോളിതാ, സിനിമയുടെ റിലീസ് തിയതി പ്രഖ്യാപിച്ചിരിക്കുകയാണ് അണിയറ പ്രവര്ത്തകര്. സെപ്റ്റംബര് രണ്ടിനാണ് ചിത്രം തിയേറ്ററുകളില് എത്തുക. റിലീസ് പ്രഖ്യാപിച്ചുകൊണ്ടുള്ള മോഷന് പോസ്റ്റര് കുഞ്ചാക്കോ ബോബന് തന്നെയാണ് തന്റെ സോഷ്യല് മീഡിയ അക്കൗണ്ടുകളില് പങ്കുവച്ചത്.ഗോവയാണ് ചിത്രത്തിന്റെ പ്രധാന ലൊക്കേഷന്.
