ആലപ്പുഴ: ഭിന്നശേഷിക്കാരായ കുട്ടികള്ക്കായി മാവേലിക്കരയില് പ്രത്യേക മെഡിക്കല് ക്യാമ്പ് സംഘടിപ്പിച്ചു. സമഗ്ര ശിക്ഷ കേരളം മാവേലിക്കര ബി.ആര്.സിയുടെ നേതൃത്വത്തില് സംഘടിപ്പിച്ച ക്യാമ്പ് മുനിസിപ്പല് ചെയര്മാന് കെ.വി. ശ്രീകുമാര് ഉദ്ഘാടനം ചെയ്തു. ബി.ആര്.സി ട്രെയിനര് സി. ജ്യോതികുമാര് അധ്യക്ഷനായിരുന്നു.
പൊതുവിദ്യാലയങ്ങളില് പഠിക്കുന്ന ഭിന്നശേഷിക്കാരായ കുട്ടികളെ കണ്ടെത്തി ആവശ്യമായ സഹായ ഉപകരണങ്ങള് നല്കുക എന്ന ലക്ഷ്യത്തോടെയാണ് ക്യാമ്പ് സംഘടിപ്പിച്ചത്.
മാവേലിക്കര ബി.പി.സി പി.പ്രമോദ്, ട്രെയിനര് ജി.സജീഷ് സ്പെഷ്യല് എഡ്യൂക്കേറ്റര് പി.മായ, മിനിമോള് തോമസ് എന്നിവര് ചടങ്ങില് പങ്കെടുത്തു.
