വയനാട്: കേരള സംസ്ഥാന പട്ടികജാതി പട്ടികവര്ഗ്ഗ വികസന കോര്പ്പറേഷന് ദേശീയ പട്ടികവര്ഗ്ഗ ധനകാര്യ വികസന കോര്പ്പറേഷന്റെ സഹായത്തോടെ നടപ്പിലാക്കുന്ന 1.50 ലക്ഷം രൂപയും 3 ലക്ഷം രൂപയും പദ്ധതി തുകകളുളള സ്വയം തൊഴില് വായ്പാ പദ്ധതിയായ പട്ടികവര്ഗ്ഗ സംരംഭകര്ക്കുള്ള വായ്പാ പദ്ധതിയിലേക്ക് അപേക്ഷ ക്ഷണിച്ചു. പട്ടികവര്ഗ്ഗത്തില്പ്പെട്ട തൊഴില്രഹിതരും 18 നും 55 നും മദ്ധ്യേ പ്രായമുള്ളവര്ക്ക് അപേക്ഷിക്കാം. കുടുംബ വാര്ഷിക വരുമാനം മൂന്ന് ലക്ഷം രൂപയില് കവിയരുത്. കൃഷിഭൂമി വാങ്ങല്/മോട്ടോര് വാഹനം വാങ്ങല് ഒഴികെ വായ്പാ തുകയ്ക്കുള്ളില് വിജയ സാദ്ധ്യതയുള്ള ഏതൊരു സ്വയംതൊഴില് പദ്ധതിയിലും ഗുണഭോക്താവിന് ഏര്പ്പെടാം. വായ്പാ തുക 6 ശതമാനം പലിശ സഹിതം 5 വര്ഷം കൊണ്ട് തിരിച്ചടക്കണം. എടുക്കുന്നവര് ഈടായി കോര്പ്പറേഷന്റെ നിബന്ധനകള്ക്കനുസരിച്ച് ആവശ്യമായ ഉദ്യോഗസ്ഥ ജാമ്യമോ, വസ്തു ജാമ്യമോ ഹാജരാക്കണം. അപേക്ഷാഫോറത്തിനും വിശദ വിവരങ്ങള്ക്കുമായി കോര്പ്പറേഷന്റെ ജില്ലാ ഓഫീസുമായി ബന്ധപ്പെടാം.
വയനാട്: സ്വയം തൊഴില് വായ്പ : അപേക്ഷ ക്ഷണിച്ചു
