തിരുവനന്തപുരം: ആറ്റിങ്ങലില് പിങ്ക് പൊലീസ് അപമാനിച്ച പെണ്കുട്ടിക്ക് നഷ്ടപരിഹാരം നല്കണമെന്ന ഹൈക്കോടതി സിംഗിള്ബെഞ്ച് ഉത്തരവിനെതിരെ ഡിവിഷന് ബെഞ്ചിനെ സമീപിച്ച സര്ക്കാര് നടപടി മനുഷ്യത്വ വിരുദ്ധമാണെന്ന് കെ.പി.സി.സി പ്രസിഡന്റ് കെ. സുധാകരന്.
ഒന്നര ലക്ഷം രൂപ നഷ്ടപരിഹാരം നല്കണമെന്നതാണ് സിംഗിള്ബെഞ്ച് ഉത്തരവ്. അതിനെതിരെ ഡിവിഷന് ബെഞ്ചിനെ സമീപിച്ചത് സ്വാഭാവിക നീതിയുടെ നഗ്നമായ ലംഘനമാണെന്നും സുധാകരന് കുറ്റപ്പെടുത്തി.
ഉദ്യോഗസ്ഥര് തങ്ങള്ക്ക് ലഭിച്ചിരിക്കുന്ന അധികാരം ജനങ്ങളുടെ മേല് അന്യായമായി ഉപയോഗിക്കുന്നതിന്റെ ഉത്തരവാദിത്തം ഏറ്റെടുക്കാന് കഴിയില്ല എന്ന് ഒരു സര്ക്കാര് പറയുന്നതിനോളം വലിയ ഭീരുത്വവും ഉത്തരവാദിത്തമില്ലായ്മയും നിസംഗതയും വേറെയില്ലെന്നും സുധാകരന് പരിഹസിച്ചു.
