ജില്ലയിലെ സാമൂഹികവും സാമ്പത്തികവുമായി പിന്നോക്കം നില്ക്കുന്ന പ്രത്യേക പരിരക്ഷയ്ക്ക് അര്ഹരായ കുട്ടികള്ക്ക് ജീവിത വിജയത്തിന് വഴികാട്ടാന് ജില്ലാ ഭരണ സംവിധാനം നവീനപദ്ധതിക്ക് രൂപം നല്കി. ആദ്യ ഘട്ടത്തില് പരവനടുക്കം ചില്ഡ്രന്സ് ഹോമിലെ വിദ്യാര്ഥികള്ക്കായി പദ്ധതി നടപ്പാക്കും. വിവിധ മേഖലകളില് കഴിവ് തെളിയിച്ച പ്രതിഭകളുമായി കുട്ടികള്ക്ക് നേരില് സംവദിക്കുന്നതിനും സംശയനിവാരണത്തിനും അവസരമൊരുക്കുന്ന മുഖാമുഖം പരിപാടികളിലൂടെ ആത്മവിശ്വാസം പകരും. 2020 ഇന്ത്യന് സിവില് സര്വീസ് പരീക്ഷയില് മികച്ച വിജയം നേടി ഐപിഎസ് പരിശീലനത്തിന് തെരഞ്ഞെടുക്കപ്പെട്ട കാസര്കോട് നീലേശ്വരം ബങ്കളത്തെ സി ഷഹീന് ഫെബ്രുവരി 12ന് (ശനി) രാവിലെ 11ന് ചില്ഡ്രന്സ് ഹോമിലെ കുട്ടികളുമായി സംസാരിക്കും. പ്രയാണ് 2022 എന്ന് പേരിട്ട പദ്ധതി ജില്ലാ കളക്ടര് ഭണ്ഡാരി സ്വാഗത് രണ്വീര് ചന്ദ് ഉദ്ഘാടനംചെയ്യും. ജില്ലാ ചൈല്ഡ് പ്രൊട്ടക്ഷന് ഓഫീസര് സി.എ ബിന്ദു സംബന്ധിക്കും. കാസര്കോട് ജില്ലാ ഇന്ഫര്മേഷന് ഓഫീസാണ് പ്രയാണ് 2022 ന്റെ ഏകോപനം നിര്വഹിക്കുന്നത്. നേരത്തെ 11ന് തീരുമാനിച്ച പരിപാടിയാണ് ഫെബ്രുവരി 12ലേക്ക് മാറ്റിയത്. പ്രതിഭകളുടെ മുഖാമുഖം ചിത്രീകരിച്ച് യൂട്യൂബിലൂടെ ലഭ്യമാക്കും. സമാനസാഹചര്യത്തിലുള്ള മറ്റ് വിദ്യാര്ത്ഥികള്ക്ക് കൂടി സഹായകമാകുന്നതിനാണിത്.
പരവനടുക്കം ചില്ഡ്രന്സ് ഹോമില് ‘പ്രയാണ് 2022’ ഫെബ്രുവരി 12ന്
