ചെന്നൈ: മുല്ലപ്പെരിയാർ ഡാം പൊളിച്ചുപണിയണമെന്ന നടൻ പൃഥ്വിരാജിന്റെ പ്രസ്താവനയ്ക്കെതിരെ തമിഴ്നാട്ടിൽ പ്രതിഷേധം.
25/10/21 തിങ്കളാഴ്ച തേനി ജില്ലാ കലക്ടറേറ്റിന് മുന്നില് അഖിലേന്ത്യ ഫോര്വേഡ് ബ്ലോക്ക് പ്രവര്ത്തകർ പൃഥ്വിരാജിന്റെ കോലം കത്തിച്ചു. സുപ്രീം കോടതി വിധിയെ വെല്ലുവിളിച്ച് തെറ്റിദ്ധാരണജനകമായ പ്രസ്താവനയാണ് പൃഥ്വിരാജ് നടത്തിയതെന്നും താരത്തിനെതിരെ കേസെടുക്കണമെന്നും ആവശ്യപ്പെട്ട് കലക്ടര്ക്കും എസ്.പിക്കും പരാതി നല്കിയെന്നും സംഘടന ജില്ല സെക്രട്ടറി എസ്. ആര് ചക്രവര്ത്തി പറഞ്ഞു.
