തിരുവനന്തപുരം: സംസ്ഥാനത്തെ മദ്യശാലകള് 13/08/2021 വെള്ളിയാഴ്ച മുതല് അധികസമയം പ്രവര്ത്തിക്കും. ഓണത്തോടനുബന്ധിച്ച് തിരക്ക് നിയന്ത്രിക്കാനാണെന്നാണ് സര്ക്കാര് വിശദീകരണം. സമയം നീട്ടി നൽകണമെന്ന ബെവ്കോ എംഡിയുടെ കത്തിൻ്റെ അടിസ്ഥാനത്തിലാണ് ഉത്തരവ്. നേരത്തേ ഏഴ് മണിവരെയായിരുന്നു മദ്യശാലകൾ തുറന്നിരുന്നത്.
13/08/2021 വെള്ളിയാഴ്ച മുതല് രാവിലെ ഒൻപത് മണി മുതല് വൈകിട്ട് എട്ട് മണി വരെ തുറക്കാനാണ് ഉത്തരവ്.
ആള്ക്കൂട്ടം നിയന്ത്രിക്കാനാവില്ലെങ്കില് മദ്യവില്പ്പനശാലകള് അടച്ചിടണമെന്ന് കഴിഞ്ഞ ദിവസം ഹൈക്കോടതി സര്ക്കാരിനെതിരെ വിമര്ശനം ഉന്നയിച്ചിരുന്നു. മാന്യമായി മദ്യം വാങ്ങാന് സൗകര്യങ്ങള് ഒരുക്കുകയാണ് വേണ്ടതെന്നും കോടതി വാക്കാല് നിര്ദേശിച്ചു.
