ന്യൂഡല്ഹി: അമേരിക്കന് കമ്പനിയായ ജോണ്സണ് ആന്ഡ് ജോണ്സന്റെ ഒറ്റ ഡോസ് വാക്സിന് ഇന്ത്യയില് അടിയന്തര ഉപയോഗാനുമതി നല്കി.
കേന്ദ്ര ആരോഗ്യമന്ത്രി മന്സുഖ് മാണ്ഡവ്യയാണ് 07/08/21 ശനിയാഴ്ച ഇക്കാര്യം അറിയിച്ചത്. ഇന്ത്യയില് അനുമതി നല്കുന്ന അഞ്ചാമത്തെ കൊവിഡ് വാക്സിനാണ് ഇത്. നേരത്തെ ആസ്ട്രാസെനെക്കയുടെ കൊവിഷീല്ഡ്, കൊവാക്സിന്, സ്പുട്നിക് 5, മൊഡേണ തുടങ്ങിയ വാക്സിനുകള്ക്ക് ഇന്ത്യയില് ഉപയോഗാനുമതി നല്കിയിരുന്നു.
ആഗസ്റ്റ് അഞ്ചിനാണ് അനുമതി തേടി കമ്പനി അപേക്ഷ സമര്പ്പിച്ചത്. ഹൈദരാബാദ് ആസ്ഥാനമായ ബയോളജിക്കല് ഇ എന്ന കമ്പനിയുമായി ചേര്ന്നാണ് ഇന്ത്യയില് വാക്സിന് വിതരണം ചെയ്യുക. നിലവില് ലോകത്ത് പടരുന്ന കൊവിഡ് ഡെല്റ്റാ വേരിയന്റിനെതിരെ ജോണ്സണ് ആന്റ് ജോണ്സണ് വാക്സിന് ഫലപ്രദമാണെന്ന് ക്ലിനിക്കല് ട്രയലില് കണ്ടെത്തിയിരുന്നു.
