ന്യൂഡല്ഹി: കേരളത്തില് അനുവദിച്ച ലോക്ഡൗണ് ഇളവുകള്ക്കെതിരെ കോണ്ഗ്രസ് ദേശീയ വക്താവ് അഭിഷേക് സിങ്വി. പെരുന്നാളിനോട് അനുബന്ധിച്ച് സംസ്ഥാനത്ത് നല്കിയ ഇളവുകള്ക്കെതിരെയാണ് അഭിഷേക് സിങ്വിയുടെ വിമര്ശനം.
കേരളം കൊവിഡ് കിടക്കയിലാണെന്ന കാര്യം മറക്കരുതെന്ന് സിങ്വി 18/07/21 ഞായറാഴ്ച പറഞ്ഞു. കന്വാര് യാത്ര നടത്തുന്നത് തെറ്റാണെങ്കില് പെരുന്നാള് ആഘോഷവും തെറ്റാണെന്ന് അഭിഷേക് സിങ്വി പറഞ്ഞു.
സംസ്ഥാനത്തെ കൊവിഡ് നിയന്ത്രണങ്ങളില് മാറ്റം വരുത്താന് തീരുമാനിച്ചതായി മുഖ്യമന്ത്രി പിണറായി വിജയനാണ് അറിയിച്ചത്. പെരുന്നാള് പ്രമാണിച്ചാണ് ഇളവുകള് നല്കിയിരിക്കുന്നത്.
