പെഷവാര്: പാകിസ്താനില് ബസിലുണ്ടായ സ്ഫോടനത്തില് ആറ് ചൈനീസ് പൗരന്മാര് ഉള്പ്പടെ എട്ടുപേര് കൊല്ലപ്പെട്ടു. 13/07/21 ചൊവ്വാഴ്ച വടക്കന് പാകിസ്താനിലെ ഉള്പ്രദേശത്താണ് സംഭവം. റോഡിലുണ്ടായിരുന്ന സ്ഫോടക വസ്തുവാണോ അതോ ബസിനകത്തുള്ളതാണോ പൊട്ടിതെറിച്ചതെന്ന് വ്യക്തമല്ല.
സ്ഫോടനത്തെ തുടര്ന്ന് ഒരു ചൈനീസ് എന്ജിനീയറേയും ഒരു സൈനികനേയും കാണാതായിട്ടുണ്ടെന്ന് പാക് സര്ക്കാറിലെ മുതിര്ന്ന ഉദ്യോഗസ്ഥന് അറിയിച്ചു. രക്ഷാപ്രവര്ത്തനം പുരോഗമിക്കുകയാണെന്നും അദ്ദേഹം വ്യക്തമാക്കി. മരിച്ചവരില് ചൈനീസ് പൗരന്മാരെ കൂടാതെ ഒരു പാരാമിലിറ്ററി സൈനികനും പ്രദേശവാസിയും ഉള്പ്പെടുന്നു. നിരവധി പേര്ക്ക് സ്ഫോടനത്തില് പരിക്കേറ്റിട്ടുണ്ട്.
