കോവിഡ്-19നെ നേരിടാനുള്ള ഡിജിറ്റല് പൊതുസംവിധാനമായി കോവിന് പ്ലാറ്റ്ഫോമിനെ ഉയര്ത്തിക്കാട്ടി പ്രധാനമന്ത്രി ശ്രീ നരേന്ദ്ര മോദി കോവിന് ആഗോള സമ്മേളനത്തെ അഭിസംബോധന ചെയ്തു.
എല്ലാ രാജ്യങ്ങളിലും പകര്ച്ചവ്യാധിയില് ജീവന് നഷ്ടപ്പെട്ടവര്ക്ക് അനുശോചനം അറിയിച്ചാണ് പ്രധാനമന്ത്രി സംസാരിച്ചു തുടങ്ങിയത്. നൂറുവര്ഷത്തിനിടെയുണ്ടായ, മുമ്പെങ്ങുമില്ലാത്ത, ഇത്തരമൊരു മഹാമാരിയുടെ വെല്ലുവിളി നേരിടാന്, എത്ര കരുത്തരായാലും, ഒരു രാജ്യത്തിന് ഒറ്റയ്ക്ക് കഴിയില്ലെന്ന് പ്രധാനമന്ത്രി അഭിപ്രായപ്പെട്ടു. ”കോവിഡ്-19 മഹാമാരി നല്കുന്ന ഏറ്റവും വലിയ പാഠം മാനവികതയ്ക്കും മനുഷ്യരാശിക്കും വേണ്ടി നാം ഒരുമിച്ച് പ്രവര്ത്തിക്കുകയും ഒരുമിച്ച് മുന്നോട്ട് പോകുകയും വേണം എന്നതാണ്. നാം പരസ്പരം നമ്മല് നിന്നു പഠിക്കുകയും, മെച്ചപ്പെട്ട പ്രവര്ത്തനങ്ങള്ക്കായി പരസ്പരം സഹായിക്കുകയും വേണം”- പ്രധാനമന്ത്രി പറഞ്ഞു.
