കൊല്ലം: ശാസ്താംകോട്ടയില് ഭര്തൃഗൃഹത്തില് യുവതിയെ തൂങ്ങിമരിച്ച നിലയില് കണ്ടെത്തിയ സംഭവത്തില് ഭര്ത്താവ് പൊലീസ് കസ്റ്റഡിയില്. നിലമേല് കൈതോട് സ്വദേശിനി വിസ്മയയെയാണ് 21/06/21 തിങ്കളാഴ്ച രാവിലെ തൂങ്ങിമരിച്ച നിലയില് കണ്ടെത്തിയത്.
സംഭവത്തില് ഭര്ത്താവും എം.വി.ഡി. ഉദ്യോഗസ്ഥനുമായ കിരണിനെയാണ് തിങ്കളാഴ്ച വൈകിട്ട് പൊലീസ് കസ്റ്റഡിയില് എടുത്തത്. നേരത്തെ സ്ത്രീധനത്തിന്റെ പേരില് പെണ്കുട്ടി ക്രൂരമായി പീഡിപ്പിക്കപ്പെട്ടിരുന്നെന്ന് വിസ്മയയുടെ ബന്ധുക്കള് ആരോപിച്ചിരുന്നു.
നൂറ് പവന് സ്വര്ണ്ണവും ഒരു ഏക്കര് 25 സെന്റ് സ്ഥലവും ഇതിന് പുറമേ പത്ത് ലക്ഷം വിലവരുന്ന കാറും വിസ്മയയുടെ വീട്ടുകാര് സ്ത്രീധനമായി നല്കിയിരുന്നെന്നാണ് റിപ്പോര്ട്ടുകള്.
എന്നാല് കാറ് ഇഷ്ടപ്പെടാഞ്ഞതോടെയാണ് വിസ്മയയെ ഭര്ത്താവ് ക്രൂരമായി പീഡിപ്പിച്ചു തുടങ്ങിയതെന്നാണ് വിസ്മയയുടെ പിതാവ് മാധ്യമങ്ങളോട് പറഞ്ഞത്.
