തിരുവനന്തപുരം: കൊവിഡ് രണ്ടാം തരംഗത്തെപ്പറ്റി സഭ നിര്ത്തിവച്ച് ചര്ച്ച ചെയ്യണമെന്നാവശ്യപ്പെട്ട് പ്രതിപക്ഷം നല്കിയ അടിയന്തര പ്രമേയ നോട്ടീസ് തള്ളി. 02/06/21 ബുധനാഴ്ച എം. കെ മുനീര് എം.എല്.എയാണ് നോട്ടീസ് നല്കിയത്.
തുടര്ന്ന് കൊവിഡ് രോഗവ്യാപനം അനിയന്ത്രിതമാണെന്നും മരണനിരക്ക് കുറച്ചുകാണിക്കുകയാണെന്നും വിമര്ശിച്ച് പ്രതിപക്ഷം രംഗത്തെത്തുകയായിരുന്നു.
സംസ്ഥാനത്തെ മരണനിരക്ക് കുറച്ചു കാണിക്കാന് ശ്രമമുണ്ടെന്ന് എം.കെ മുനീര് എം.എല്.എ പറഞ്ഞിരുന്നു. കൂടാതെ വാക്സിനേഷനില് പത്തനംതിട്ടയ്ക്ക് കൂടുതല് പരിഗണന നല്കുന്നുവെന്നും അദ്ദേഹം ആരോപിച്ചു.
