കൊച്ചി: കേന്ദ്രസര്ക്കാരിന്റെ വാക്സിന് നയത്തിനെതിരെ ഹൈക്കോടതി. രാജ്യത്തെ പൗരന്മാര്ക്ക് എന്തുകൊണ്ട് സൗജന്യമായി വാക്സിന് നല്കുന്നില്ലെന്ന് 24/05/21 തിങ്കളാഴ്ച ഹൈക്കോടതി ചോദിച്ചു.
സംസ്ഥാനങ്ങള് സൗജന്യമായി വാക്സിന് കൊടുക്കണം എന്ന് പറയുന്നത് എന്തുകൊണ്ടാണെന്നും കോടതി ചോദിച്ചു. ഫെഡറലിസം നോക്കേണ്ട സമയം ഇതല്ലെന്നും കോടതി വ്യക്തമാക്കി.
എല്ലാവര്ക്കും സൗജന്യ വാക്സിന് നല്കാന് വേണ്ടി വരുന്നത് ഏകദേശം 34,000 കോടി രൂപയാണ്. എന്നാല് 54,000 കോടി രൂപ അധികലാഭവിഹിതമായി റിസര്വ് ബാങ്ക് സര്ക്കാരിനു നല്കിയിട്ടുണ്ട്. ഈ തുക സൗജന്യമായി വാക്സിന് നല്കാന് ഉപയോഗിച്ചുകൂടെ എന്നും കോടതി ചോദിച്ചു.
അതേസമയം ഇതു നയപരമായ കാര്യമാണെന്നും മറുപടി നല്കാന് കൂടുതല് സമയം വേണമെന്നും കേന്ദ്ര സര്ക്കാര് പറഞ്ഞു. വാക്സിന് നയം മാറിയതോടെ വാക്സിന് ലഭിക്കുന്നവരുടെ എണ്ണം കുറഞ്ഞതായി ഹരജിക്കാര് പരാതിപ്പെട്ടു.
അതേസമയം, ജുഡീഷ്യല് ഓഫിസര്മാരെയും കോടതി ജീവനക്കാരെയും എന്തുകൊണ്ടാണ് മുന്ഗണന പട്ടികയില് ഉള്പ്പെടുത്താത്തതെന്ന് സംസ്ഥാന സര്ക്കാരിനോടു കോടതി ചോദിച്ചു.
