ന്യൂഡല്ഹി: മുന് കേന്ദ്രമന്ത്രിയും കേരള ഗവര്ണറുമായിരുന്ന ആര്.എല്. ഭാട്ടിയ അന്തരിച്ചു. 100 വയസായിരുന്നു. കോവിഡ് ബാധിച്ചതിനെ തുടര്ന്ന് അമൃത്സറിലെ ഫോര്ട്ടിസ് ആശുപത്രിയില് ചികിത്സയിലായിരുന്നു അദ്ദേഹം. 15/05/21 ശനിയാഴ്ച രാവിലെയായിരുന്നു അന്ത്യം.
2004 മുതല് 2008 വരെ കേരള ഗവര്ണറായിരുന്നു അദ്ദേഹം. പിന്നീട് ബിഹാര് ഗവര്ണറായും അദ്ദേഹം സേവനം അനുഷ്ഠിച്ചു. വിദേശകാര്യ മന്ത്രിയായിരുന്ന അദ്ദേഹം 1972 മുതല് ആറുതവണ കോണ്ഗ്രസ് പ്രതിനിധിയായി അമൃത്സറില്നിന്ന് ലോക്സഭയിലെത്തി.
