ന്യൂഡൽഹി: രാജ്യത്ത് കോവിഡ് കേസുകള് കുത്തനെ വര്ധിക്കുന്നു. 07/04/21 ബുധനാഴ്ച വൈകിട്ട് അവസാനിച്ച 24 മണിക്കൂറിനിടെ 1,26,789 പേര്ക്കാണ് കോവിഡ് സ്ഥിരീകരിച്ചത്. രാജ്യത്ത് ഇതുവരെ റിപ്പോര്ട്ട് ചെയ്ത ഏറ്റവും കൂടിയ പ്രതിദിന കണക്കാണിത്. അതേസമയം 24 മണിക്കൂറിനിടെ 59,258 പേര് രോഗമുക്തി നേടി.
685 പേരാണ് രോഗബാധയെ തുടര്ന്ന് ഇതേ 24 മണിക്കൂറിനിടെ മരിച്ചത്. ആകെ മരണം 1,66,862 ആയി. രാജ്യത്തെ ആകെ കോവിഡ് കേസുകള് 1,29,28,574 ആയി ഉയര്ന്നു. ഇതുവരെ 1,18,51,393 പേര് രോഗമുക്തി നേടി. നിലവില് 9,10,319 പേരാണ് ചികിത്സയിലുള്ളത്. 9,01,98,673 പേര് ഇതുവരെ കോവിഡ് വാക്സിന് സ്വീകരിച്ചതായി കേന്ദ്ര ആരോഗ്യമന്ത്രാലയം വ്യക്തമാക്കി. 25,26,77,379 സാംപിളുകളാണ് ഇതുവരെ പരിശോധിച്ചത്.
