കൊൽക്കത്ത: ആദ്യഘട്ട പോളിംഗ് നടക്കുന്ന പശ്ചിമ ബംഗാളിൽ പലയിടത്തും അക്രമ സംഭവങ്ങൾ റിപ്പോർട് ചെയ്തു. 26/03/21 വെള്ളിയാഴ്ച പുരുളിയയിൽ പോളിംഗ് ഉദ്യോഗസ്ഥർക്കായി സജ്ജീകരിച്ച ബസ് അജ്ഞാതർ അഗ്നിക്കിരയാക്കി. മാവോയിസ്റ്റ് മേഖലയാണ് ഈ പ്രദേശം.
പോളിംഗ് ഉദ്യോഗസ്ഥർക്ക് ഭക്ഷണം നൽകി മടങ്ങും വഴിയാണ് ബസ് കത്തിച്ചത്. ആക്രമണത്തിന് പിന്നിൽ ആരാണെന്ന് വ്യക്തമായിട്ടില്ല. സംഭവത്തിൽ കൂടുതൽ വ്യക്തത വരുത്താൻ ബസ് ഡ്രൈവറുടെ മൊഴി പൊലീസ് രേഖപ്പെടുത്തി.
