കാഠ്മണ്ഡു: ആശയ പ്രചരണത്തിന് പലരും പല മാർഗങ്ങൾ സ്വീകരിക്കാറുണ്ട്. ഈ വനിതാ ദിനത്തിൽ ലിംഗസമത്വത്തിന്റെ സന്ദേശം പൊതു സമൂഹത്തിലെത്തിക്കാൻ നേപ്പാളിലെ ഒരു സ്കൂളിന്റെ നേതൃത്വത്തിൽ നടന്നത് വിചിത്രമായ ഒരു പരിപാടിയാണ്. അത്, ഒരു ഓട്ടമത്സരമായിരുന്നു. വെറും ഓട്ടമത്സരമല്ല ഓരോ സ്ത്രീയും സ്വന്തം ഭർത്താക്കന്മാരെ പുറത്തു കയറ്റിയാണ് ഓടിയത്.
മാർച്ച് എട്ടിന് അന്താരാഷ്ട്ര വനിതാ ദിനത്തോടനുബന്ധിച്ച് നേപ്പാളിലെ ദേവ്ഘട്ട് വില്ലേജിലെ ഒരു പ്രാദേശിക സ്കൂളിന്റെ നേതൃത്വത്തിലാണ് പരിപാടി നടന്നത്. 100 മീറ്റർ മാരത്തണിൽ വിവിധ പ്രായക്കാരായ 16 ദമ്പതികൾ പങ്കെടുത്തതായി വാർത്താ ഏജൻസിയായ എ എൻ ഐ റിപ്പോർട്ട് ചെയ്തു.
