വിഷ്ണു ഉണ്ണികൃഷ്ണനെ നായകനാക്കി ക്രാന്തിക്ക് ശേഷം അശോക് ആർ നാഥ് സംവിധാനം ചെയ്യുന്ന ചിത്രമാണ് റെഡ് റിവർ .തൻറെ അഭിനയ ജീവിതത്തിലെ ഏറ്റവും മികച്ച കഥാപാത്രത്തെയാണ് വിഷ്ണു ഉണ്ണികൃഷ്ണൻ റെഡ് റിവറിൽ അവതരിപ്പിക്കുന്നത്.
സഹസ്രാരാ സിനിമാസിന്റെ ബാനറിൽ ആർ സന്ദീപ് നിർമ്മിക്കുന്ന ഈ ചിത്രത്തിൽ സുധീർ കരമന , കൈലാഷ്, ജയശ്രീ ,സുഭാഷ് മേനോൻ ,റോജിൻ തോമസ്, ആസിഫ് ഷാ, സാബു പ്രോഡീൻ, എന്നിവരാണ് മറ്റ് താരങ്ങൾ . പോൾ വൈക്ളിഫ് തിരക്കഥയും, സുനിൽപ്രേം ഛായാഗ്രഹണവും , പ്രകാശൻ കല്യാണി ഗാനരചനയും, സിജു ഹസ്രത്ത് സംഗീതവും നിർവ്വഹിക്കുന്നു. ഫെബ്രുവരി 15 ന് കൊല്ലത്ത് ചിത്രീകരണം ആരംഭിക്കും.
