വാഷിംഗ്ടണ്: 2015ലെ ആണവ കരാറിലെ വ്യവസ്ഥകള് പാലിക്കാന് തയ്യാറാകുന്നത് വരെ ഇറാനെതിരെയുള്ള സാമ്പത്തിക ഉപരോധം പിന്വലിക്കില്ലെന്ന് യു.എസ് പ്രസിഡന്റ് ജോ ബൈഡന്. സി.ബി.എസ് ന്യൂസിന് നല്കിയ അഭിമുഖത്തില് സംസാരിക്കുകയായിരുന്നു ബൈഡന്.
സാമ്പത്തിക ഉപരോധം പിന്വലിച്ചാല് മാത്രമേ 2015ലെ കരാര് വ്യവസ്ഥകളിലേക്ക് മടങ്ങി വരികയുള്ളുവെന്നാണ് ഇറാന്റെ നിലപാട്. ഇറാന് പരമോന്നത അധികാരി അയത്തൊള്ള അലി ഖൊമൈനി നേരത്തെ തന്നെ ഈ നിലപാട് വ്യക്തമാക്കിയിരുന്നു.
ജെ.പി.സി.ഒ.എ കരാറിലേക്ക് തിരികെയെത്താനും ഇറാനുമേല് ഏര്പ്പെടുത്തിയ ഉപരോധം നീക്കാനും ഫെബ്രുവരി 21ന് അപ്പുറം സമയം അമേരിക്കന് പ്രസിഡന്റ് ജോ ബൈഡന് അനുവദിക്കില്ലെന്നും ഇറാന് അറിയിച്ചിരുന്നു. നിര്ദേശം അമേരിക്ക അംഗീകരിച്ചില്ലെങ്കില് ഐക്യരാഷ്ട്രസഭയുടെ ഉദ്യോഗസ്ഥര്ക്ക് ഇറാന്റെ ആണവ സൈറ്റുകള് പരിശോധിക്കാന് അനുമതി നല്കില്ലെന്നും ഇറാന്റെ മുതിര്ന്ന നയതന്ത്ര ഉദ്യോഗസ്ഥന് പറഞ്ഞു. ഇതിനുപുറമെ യുറേനിയം സമ്പൂഷ്ടീകരണം വര്ദ്ധിപ്പിക്കാനും തീരുമാനമെടുക്കുമെന്ന് ഇറാന് അറിയിച്ചു.
