തിരുവനന്തപുരം: ഡോളര് കടത്ത് കേസില് സംസ്ഥാന പ്രോട്ടോകോള് ഓഫിസറെ കസ്റ്റംസ് ചോദ്യം ചെയ്യും. പ്രോട്ടോകോള് ഓഫിസര് ഷൈന് എ ഹക്കിനെയാണ് കസ്റ്റംസ് ചോദ്യം ചെയ്യുക. ഷൈന് എ ഹക്കിനോട് ഈ മാസം 19ന് ഹാജരാകാന് ആവശ്യപ്പെട്ട് കസ്റ്റംസ് നോട്ടിസ് നല്കി.
പ്രതികളായ സ്വപ്ന സുരേഷിന്റെയും സരിത്തിന്റെയും മൊഴിയുടെ അടിസ്ഥാനത്തിലാണ് ചോദ്യം ചെയ്യല്. നയതന്ത്ര പ്രതിനിധികള് അല്ലാത്തവര്ക്ക് പ്രോട്ടോകോള് ഓഫീസര് തിരിച്ചറിയല് കാര്ഡ് നല്കിയെന്നും കണ്ടെത്തല്. നേരത്തെ അസിസ്റ്റന്റ് പ്രോട്ടോകോള് ഓഫീസര് ഹരികൃഷ്ണനെ കസ്റ്റംസ് ചോദ്യം ചെയ്തിരുന്നു.
