കൊച്ചി: കാഞ്ഞിരപ്പള്ളി എസ് ഡി കോളജിലെ രണ്ടാംവര്ഷ വിദ്യാര്ഥിനി ആയിരുന്ന ജെസ്ന മരിയ ജയിംസിനെ കണ്ടെത്തണം എന്നാവശ്യപ്പെട്ടുള്ള ഹേബിയസ് കോര്പസ് ഹര്ജി പിന്വലിച്ചു.
സാങ്കേതിക പിഴവുകള് ഉള്ള ഹര്ജി തള്ളേണ്ടിവരും എന്ന് ഹൈകോടതി
മുന്നറിയിപ്പ് നൽകിയിരുന്നു. ഇതേ തുടർന്നാണ് ഹര്ജി പിന്വലിച്ചത്.
കൊച്ചിയിലെ ക്രിസ്ത്യന് അലയന്സ് ആന്റ് സോഷ്യല് ആക്ഷന് എന്ന സംഘടനയാണ് ഹർജിക്കാർ.
ജസ്റ്റിസ് വിനോദ് ചന്ദ്രന്, എം ആര് അനിത എന്നിവര് അടങ്ങിയ ഡിവിഷന് ബഞ്ച് ആണ് ഹര്ജി പരിഗണിച്ചത്.
ജെസ്നയെ കാണാതായിട്ട് രണ്ടു വർഷമായെന്നും ഇക്കാര്യത്തില് കോടതി ഇടപെടല് വേണമെന്നും ആവശ്യപ്പെട്ടാണ് ഹർജി നൽകിയിരുന്നത്.
2018 മാര്ച്ച് 22 നാണു ജെസ്നയെ കാണാതാകുന്നത്. പൊലീസ് മേധാവി, മുന് ക്രൈം ബ്രാഞ്ച് മേധാവി ടോമിന് ജെ തച്ചങ്കരി, ജെസ്നയുടെ തിരോധാനം അന്വേഷിച്ച പത്തനം തിട്ട മുന് എസ്പിയും വിരമിച്ച ഉദ്യോഗസ്ഥനുമായ കെ.ജി.സൈമണ് എന്നിവരെ എതിര് കക്ഷികളാക്കിയാണ് ഹര്ജി നൽകിയത്
