പാലക്കാട് : നെല്ലിയാമ്പതി സീതാര്കുണ്ട് കൊക്കയില് വീണ യുവാക്കളിൽ ഒരാളുടെ മൃതദേഹം കണ്ടെത്തി. ഒറ്റപ്പാലം മേലൂര് സ്വദേശി സന്ദീപിന്റെ മൃതദേഹം ആണ് കണ്ടെടുത്തത്.
അഗ്നിരക്ഷാ സേനയുടെ നേതൃത്വത്തില് മണിക്കൂറുകള് നീണ്ട തിരച്ചിലിനൊടുവിലാണ് മൃതദേഹം ലഭിച്ചത്.
കൊക്കയിൽ വീണ് കാണാതായ യുവാക്കളില് ഒരാളെ രക്ഷപെടുത്തിയിരുന്നു. കോട്ടായി സ്വദേശി രഘുനന്ദനനെയാണ് (22) രക്ഷപെടുത്തിയത്. കാല്വഴുതി വീണ ഭാഗത്തുനിന്നും 90 അടി താഴ്ചയില് മരകൊമ്പില് ഉടക്കിയ നിലയിലാണ് ഇയാളെ കണ്ടെത്തിയത്. കാലിനും തലയ്ക്കും പരിക്കുണ്ട്.
21-12-2020 ഞായറാഴ്ച വൈകുന്നേരം 5.30-നായിരുന്നു സംഭവം. ബംഗളൂരുവില് ഐടി കമ്പനി ജീവനക്കാരായ സന്ദീപും രഘുനന്ദനും സുഹൃത്തുക്കളോടൊത്താണ് നെല്ലിയാമ്പതിയിലെത്തിയത്.
