ലുധിയാന: വായുമലിനീകരണം കുറയ്ക്കുന്നതിനായി ലുധിയാന മുനിസിപ്പല് കോര്പ്പറേഷന് യന്ത്രസഹായത്തോടെയുള്ള റോഡ് ശുചീകരണം പുനരാരംഭിക്കുന്നു. നടത്തിപ്പ് വിവാദത്തിലായതിനെ തുടര്ന്ന് 2018ല് നിര്ത്തിവച്ച പദ്ധതിയാണ് വീണ്ടും ആരംഭിക്കുന്നതെന്നും മെക്കാനിക്കല് സ്വീപ്പിംഗിന്റെ പരീക്ഷണങ്ങള് ഈ ആഴ്ച തുടങ്ങുമെന്നും അധികൃതര് അറിയിച്ചു. മുനിസിപ്പല് കോര്പ്പറേഷന് (എംസി), പഞ്ചാബ് മലിനീകരണ നിയന്ത്രണ ബോര്ഡ് (പിപിസിബി), വനം -വ്യവസായ വകുപ്പ് എന്നിവയുടെ സഹകരണത്തോടെ നടപ്പാക്കുന്ന ദേശീയ ശുദ്ധവായു പദ്ധതിയുടെ ഭാഗമായാണിത്.
ദേശീയ ശുദ്ധവായു പദ്ധതി (എന്സിഎപി) പ്രകാരം കേന്ദ്രസര്ക്കാര് നഗരത്തിന് 26 കോടി രൂപ അനുവദിച്ചിട്ടുണ്ട്. ഇതിന്റെ നടത്തിപ്പിനായി മന്ത്രി ഭാരത് ഭൂഷണ് ആശു വിവിധ വകുപ്പുകളിലെ ഉദ്യോഗസ്ഥരുമായി കൂടിക്കാഴ്ച നടത്തി വിശദമായി പദ്ധതി തയ്യാറാക്കാന് നിര്ദ്ദേശിച്ചിട്ടുണ്ടെന്നും അധികൃതര് പറഞ്ഞു. യോഗത്തില് മേയര് ബാല്ക്കര് സിംഗ് സിദ്ധു, എംസി കമ്മീഷണര് പാര്ദീപ് കുമാര് സഭാര്വാള്, മറ്റ് വകുപ്പുകളിലെ മുതിര്ന്ന ഉദ്യോഗസ്ഥര് എന്നിവര് പങ്കെടുത്തു. 90,000 വ്യാവസായിക യൂണിറ്റുകളും ആയിരക്കണക്കിന് വാഹനങ്ങളുമുള്ള വ്യാവസായിക കേന്ദ്രമായ ലുധിയാന, പഞ്ചാബിലെ മികച്ച വായുവുള്ള ഒമ്പത് നഗരങ്ങളില് (ദേശീയ അന്തരീക്ഷ അന്തരീക്ഷ നിലവാരത്തേക്കാള് മോശമായ വായു ഗുണനിലവാരമുള്ള പ്രദേശങ്ങളില്) ഒന്നാണെന്ന് അധികൃതര് പറഞ്ഞു.
