കോഴിക്കോട്: വോട്ടിംഗ് യന്ത്രങ്ങള് വ്യാപകമായി പണിമുടക്കിയതോടെ തിരുവമ്പാടിയില് പോളിംഗ് ഒന്നരമണിക്കൂര് വൈകി. മലയോരമേഖലയായ കോഴിക്കോട് തിരുവമ്പാടിയിലെ താഴെ തിരുവമ്പാടി ഡിവിഷനില് യന്ത്രതകരാർ മൂലം ഒന്നരമണിക്കൂര് വൈകിയാണ് പോളിംഗ് ആരംഭിച്ചത്.
കോഴിക്കോട് കോര്പറേഷനിലെ 67-ാം വാര്ഡിലെ ഏഴാം നമ്പര് ബൂത്തിലും വോട്ടിംഗ് മെഷിന് തകരാറിലായി. ഒരു മണിക്കൂറോളം കഴിഞ്ഞാണ് ഇവിടെ പുതിയ യന്ത്രം എത്തിച്ച് വോട്ടിംഗ് ആരംഭിച്ചത്. അതുവരെ അതിരാവിലെ തന്നെ വോട്ട് ചെയ്യാനെത്തിയ സ്ത്രീകളും കുട്ടികളുമുള്പ്പെടെയുള്ളവര് ക്യൂവില് കുടുങ്ങി.
പയ്യോളി മുന്സിപ്പാലിറ്റിയിലെ ഒന്നാം ഡിവിഷനിലെ ബൂത്തിലും സാങ്കേതിക പ്രശ്നങ്ങൾ നടന്നു. ഉള്ള്യേരി ഗ്രാമപഞ്ചായത്തിലെ തെരുവത്ത്കടവിലെ ബൂത്തിലും വോട്ടിംഗ് യന്ത്രം തകരാറിലായി. എങ്കിലും ഉടന് തന്നെ പ്രശ്നങ്ങള് പരിഹരിച്ച് വോട്ടിംഗ് ആരംഭിച്ചു. അത്തോളി പഞ്ചായത്തിലെ മൊടക്കല്ലൂരിലെ ബൂത്തിലും യന്ത്രതകരാര് അനുഭവപ്പെട്ടു
