മുംബൈ: ടിആര്പി തട്ടിപ്പ് കേസില് റിപ്പബ്ലിക് ടിവി സിഇഒ വികാസ് ഖഞ്ചന്ദാനിയെ മുംബൈ പോലീസ് അറസ്റ്റ് ചെയ്തു. ടിആര്പി തട്ടിപ്പ് കേസില് സിബിഐ അന്വേഷണം ആവശ്യപ്പെട്ടുള്ള അര്ണബിന്റെ ഹര്ജി ബോംബെ ഹൈക്കോടതി പരിഗണിക്കാനിരിക്കെയാണ് വികാസിന്റെ അറസ്റ്റ്.
തട്ടിപ്പുമായി ബന്ധപ്പെട്ട് കൂടുതല് തെളിവുകള് ഇയാളില് നിന്ന് ലഭിച്ചുവെന്നാണ് പോലീസ് പറയുന്നത്.
ടിആര്പി തട്ടിപ്പ് കേസില് പോലീസ് അറസ്റ്റ് ചെയ്യുന്ന പതിമൂന്നാമത്തെ പ്രതിയാണ് വികാസ്. 2020 ഒക്ടോബര് ആറിനാണ് ടിആര്പി തട്ടിപ്പ് കേസില് മുംബൈ പോലീസ് എഫ്ഐആര് രജിസ്റ്റര് ചെയ്തത്. ഹന്സ റിസേര്ച്ച് കമ്പനിയുടെ പ്രതിനിധിയായ നിതിന് ദിയോകറാണ് റിപ്പബ്ലിക് ടിവിക്കെതിരെ പരാതി നല്കിയത്. മുന് ജീവനക്കാരുടെ സഹായത്തോടെ ചില ചാനലുകള് ബോക്സുകളില് കൃത്രിമം നടത്തുന്നുവെന്നായിരുന്നു പരാതി. ബാര്കിന് വേണ്ടി റേറ്റിങ് ബോക്സുകള് ഇന്സ്റ്റാള് ചെയ്യുന്നത് ഈ കമ്പനിയാണ്. വികാസിനെ പോലീസ് അഞ്ച് ദിവസത്തോളം ചോദ്യം ചെയ്തിരുന്നു.
