ആഗ്ര: ആഗ്രയില് കേന്ദ്രമന്ത്രി സ്മൃതി ഇറാനിക്കെതിരെ പ്രതിഷേധവുമായി കോണ്ഗ്രസ് പ്രവര്ത്തകര്.മന്ത്രിയുടെ രാജി ആവശ്യപ്പെട്ടാണ് പ്രവര്ത്തകര് തെരുവിലിറങ്ങിയത്. സ്മൃതി ഇറാനിയുടെ വാഹനവ്യൂഹം ആഗ്രയിൽ പ്രവര്ത്തകര് തടഞ്ഞു. വഴിയിൽ തടഞ്ഞ് മന്ത്രിയോട് ചോദ്യങ്ങൾ ചോദിച്ച പ്രതിഷേധക്കാരെ പിന്നീട് പൊലീസ് അറസ്റ്റ് ചെയ്തു നീക്കി.
നേരത്തെ ഹാത്രാസ് സംഭവത്തില് കോണ്ഗ്രസ് രാഷ്ട്രീയം കളിക്കുകയാണെന്ന് ആരോപിച്ച് സ്മൃതി ഇറാനി രംഗത്തെത്തിയിരുന്നു. ബലാത്സംഗത്തെ മുന്നിര്ത്തി രാഷ്ട്രീയം കളിക്കുന്നവരെ തടയാനാവില്ലെന്നും സ്മൃതി ഇറാനി പറഞ്ഞിരുന്നു.
രാഹുല് ഗാന്ധിയും കോണ്ഗ്രസ് എം.പിമാരും ഹാത്രാസിലെ പെണ്കുട്ടിയുടെ വീട്ടിലേക്ക് പോകുന്നതുമായി ബന്ധപ്പെട്ടായിരുന്നു സ്മൃതി ഇറാനിയുടെ പ്രസ്താവന.
