കൊച്ചി: ലൈഫ്മിഷന് സിഇഒ യുവി ജോസിനോട് 6 രേഖകള് ഹാജരാക്കാന് ആവശ്യപ്പെട്ട് സിബിഐ നോട്ടീസയച്ചു. ഒക്ടോബര് 5-ന് തിങ്കളാഴ്ച രാവിലെ 11 ന് കൊച്ചിയിലെ ഓഫീസില് രേഖകള് ഹാജരാക്കാനാണ് ആവശ്യപ്പെട്ടിരിക്കുന്നത്. വടക്കാഞ്ചേരിയിലെ ലൈഫ് മിഷന് പദ്ധതിയുമായി ബന്ധപ്പെട്ട് സമഗ്ര വിവരങ്ങളാണ് സിബിഐ ശേഖരിക്കുന്നത്.
റെഡ്ക്രസന്റും ലൈഫ് മിഷനും തമ്മിലുളള ധാരണാ പത്രം, ലൈഫ് മിഷന്റെ ഭാഗമായുളള വടക്കാഞ്ചേരിയിലെ വീടുകളും ഹെല്ത്ത് സെന്ററും സംബന്ധിച്ച മുഴുവന് വിവരങ്ങളുടേയും വിശദാംശങ്ങള്, ലൈഫ് മിഷന് പദ്ധതിക്കായി വടക്കാഞ്ചേരിയിലെ ഭൂമി വാങ്ങിയതുമായി ബന്ധപ്പെട്ട രേഖകള് എന്നിവ ഹാജരാക്കാന് സിബിഐ നിര്ദ്ദേശം നല്കിയിട്ടുണ്ട്.
വടക്കാഞ്ചേരി നഗരസഭ ,കെഎസ് ഇബി, എന്നിവ ലൈഫ് മിഷന് പദ്ധതിയുമായി ബന്ധപ്പെട്ട നടത്തിയിട്ടുളള ഇടപാടുകളുടെ രേഖകളും കൈമാറാന് ആവശ്യപ്പെട്ടിട്ടുണ്ട്. അതോടൊപ്പം ലൈഫ് മിഷന് ജില്ലാ കോഡിനേറ്ററും ലൈഫ് മിഷന് പദ്ധതിയുമായുളള ബന്ധം കാണിക്കുന്ന രേഖകള് ,യൂണിടാക്കും സെയ്ന് വെഞ്ചേഴ്സും ലൈഫ് മിഷനുമായി നടത്തിയിട്ടുളള ഇടപാടുകള് സംബന്ധിച്ച രേഖകള് തുടങ്ങിയവയാണ് സിബിഐ ഹാജരാക്കാന് നിര്ദ്ദേശിച്ചിരിക്കുന്ന്ത്.
നിലവില് യൂണിടാക്ക് എംഡി സന്തോഷ് ഈപ്പന്, വടക്കാഞ്ചേരി നഗരസഭ സെക്രട്ടറി, തൃശൂര് ജില്ലാ കോഡിനേറ്റര് തുടങ്ങിയവരെ സിബിഐ ചോദ്യം ചെയ്തിരുന്നു.
