ഡല്ഹി : എം.എസ് ധോണിയെയും ചെന്നൈ സൂപ്പര് കിംഗ്സിനെയും പരസ്യമായി വെല്ലുവിളിച്ച് മുന് ഓസ്ട്രേലിയന് നായകനും ഐ.പി.എല്ലില് ഡല്ഹി ക്യാപിറ്റല്സ് പരിശീലകനുമായ റിക്കി പോണ്ടിംഗ്. ധോണിയുടെ മികവില് ചെന്നൈയെ ജയിക്കാന് അനുവദിക്കില്ലെന്ന് റിക്കി പോണ്ടിംഗ് പറഞ്ഞു.
ഞാന് പരിശീലകനായിരിക്കെ ധോണിയുടെ ബാറ്റിംഗ് മികവുകൊണ്ട് ചെന്നൈ ഡല്ഹിയെ തോല്പ്പിക്കില്ല.’ എന്നും റിക്കി പോണ്ടിംഗ് വ്യക്തമാക്കി.’ഇന്ത്യന് പ്രീമിയര് ലീഗിലെ ഏറ്റവും ശക്തരായ ടീമാണ് ചെന്നൈ സൂപ്പര് കിംഗ്സ്. നായകന് എംഎസ് ധോണിയുടെ മികവ് ചെന്നൈയ്ക്ക് എന്നും മുതല്ക്കൂട്ടാണ്. എന്നാല് ഈ വര്ഷം ഡല്ഹി ക്യാപിറ്റല്സ് ധോണിക്കെതിരെ പ്രത്യേക തന്ത്രങ്ങള് മെനയുന്നുണ്ട് എന്നും വിജയം വിട്ടുകൊടുക്കില്ലെന്നുമാണ് പോണ്ടിംഗിന്റെ വാദം.
സെപ്റ്റംബര് 19നാണ് ഐ.പി.എല്ലിന്റെ 13ാം സീസണ് ആരംഭിക്കുന്നത്. 53 ദിവസം നീളുന്ന ടൂര്ണമെന്റിന് ദുബായ്, ഷാര്ജ, അബുദാബി എന്നിവിടങ്ങളിലെ സ്റ്റേഡിയങ്ങളാണ് വേദിയാവുക. നവംബര് 10നാണ് ഫൈനല്. പൃഥ്വി ഷാ, ശിഖര് ധവാന്, അജിങ്ക്യ രഹാനെ, ശ്രേയസ് അയ്യര്, റിഷഭ് പന്ത് എന്നീ ഇന്ത്യന് താരങ്ങളാണ് ഡല്ഹിയുടെ പ്രധാന കരുത്ത്. മുന് കിഗംസ് ഇലവന് പഞ്ചാബ് നായകന് രവിചന്ദ്രന് അശ്വിന് ഈ വര്ഷം ഡല്ഹിക്കൊപ്പമാണ്. ശ്രേയസ് അയ്യരാണ് ടീമിന്റെ നായകന്.