ജര്മ്മനി: ഗവേഷണ സംഘത്തിൻ്റെ പഠനം നേച്ചർ മാഗസിനാലാണ് പ്രിവ്യൂവായി പ്രസിദ്ധപ്പെടുത്തിയത്. കഴിഞ്ഞ ആഴ്ചയാണ് വിചിത്രമെന്ന് തോന്നാവുന്ന കണ്ടുപിടുത്തം ഏറെ ചർച്ചയായത്.
ലോകത്തെ അഞ്ചിലൊന്ന് ജലദോഷങ്ങൾക്കും കാരണമാകുന്നത് നാലിനം കൊറോണ വൈറസുകളാണന്ന് വൈദ്യശാസ്ത്രം കണ്ടെത്തിയിരുന്നു. ഇത്തരത്തിൽ ജലദോഷത്തിൻ്റെ പേരിൽ നേരത്തെ ശരീരത്തിൽ കയറിയിറങ്ങിയ കൊറോണ വൈറസ് കോവിഡ് 19 നെ പ്രതിരോധിക്കുവാൻ നിരവധി ആളുകളെ പ്രാപ്തരാക്കിയതായി ഗവേഷകർ കണ്ടെത്തി.
സാർസ് കോവ് – 2 രോഗാണു ശരീരത്തിലെത്തുമ്പോൾ പ്രതിരോധിക്കുന്ന ആളുകളിൽ കോവിഡ് 19 ഗുരുതരമാകില്ല. ഇത്തരം നിഗമനങ്ങളുടെ ചുവട് പിടിച്ചാണ് ജർമ്മൻ ഗവേഷകരുടെ പുതിയ കണ്ടെത്തൽ.
