ധക്ക: കൊവിഡ്- 19 വ്യാപനം ശക്തമായ ബംഗ്ലാദേശില്‍ ചൈനീസ് ഔഷധനിര്‍മാണ കമ്പനി സിനോവാക് ബയോടെക് വികസിപ്പിച്ച കൊവിഡ് പ്രതിരോധ വാക്‌സിന്റെ മൂന്നാംഘട്ട ട്രയലിന് സര്‍ക്കാര്‍ അനുമതി നല്‍കി. പരീക്ഷണത്തിനായി ചൈനയ്ക്ക് പുറത്തുള്ള ആളുകളെ കണ്ടെത്താനുള്ള ശ്രമത്തിലായിരുന്നു സിനോവാക്. ഈ സാഹചര്യത്തിലാണ് ബംഗ്ലാദേശ് തങ്ങളുടെ രാജ്യത്തെ കൊവിഡ് രോഗികളില്‍ വാക്‌സിന്‍ പരീക്ഷണത്തിന് അനുമതി നല്‍കിയത്. 4200 രോഗികളെ തിരഞ്ഞെടുത്ത് അതില്‍ പകുതി പേരിലാണ് മരുന്ന് പരീക്ഷിക്കുക. ട്രയല്‍ അടുത്തമാസം ആരംഭിക്കും. ധക്കയിലെ ഏഴ് ആശുപത്രികളിലായാണ് പരീക്ഷണം.
ചൈനീസ് കൊറോണ വാക്‌സിന്‍ ട്രയലിന് ബംഗ്ലാദേശ് അനുമതി നല്‍കി
