ന്യൂഡല്ഹി: ഡല്ഹിയില് കനത്ത മഴ. താഴ്ന്ന പ്രദേശങ്ങളെല്ലാം വെള്ളത്തിനടിയിലായിരിക്കുകയാണ്. ഇതേത്തുടര്ന്ന് വലിയ നാശനഷ്ടങ്ങള് റിപ്പോര്ട്ട് ചെയ്യപ്പെടുന്നു. വെള്ളത്തിന്റെ കുത്തൊഴുക്കില് കെട്ടിടങ്ങള്ക്ക് സാരമായ കേടുപാടുകള് സംഭവിച്ചിട്ടുണ്ട്. ഇന്കം ടാക്സ് ഓഫിസിനു മുന്നിലെ അണ്ണാനഗര് ചേരിയില് വന്തോതിലുള്ള വെള്ളപ്പൊക്കമാണ് ഉണ്ടായിട്ടുള്ളത്. ഒരു വീട് പൂര്ണമായി തകര്ന്നുവീണു. ഈ വീട് പൂര്ണമായി ഒഴുകിപ്പോയി.
#WATCH Delhi: A house collapsed in the slum area of Anna Nagar near ITO today following heavy rainfall. No one was present in the house at the time of the incident. Centralised Accident and Trauma Services (CATS) and fire engines are present at the spot. pic.twitter.com/IwS5X08nps
— ANI (@ANI) July 19, 2020
വീടിനുള്ളില് ആളില്ലാതിരുന്നതിനാല് ആളപായമില്ല. മഴക്കെടുതിമൂലം രണ്ട് മരണം റിപ്പോര്ട്ട് ചെയ്യപ്പെട്ടിട്ടുണ്ട്. ഇടത്തരം പാലങ്ങള്ക്കു മുകളില് വരെ വെള്ളം കയറിയിട്ടുണ്ട്. ഈ ഭാഗങ്ങളില് ബസ്, ടാക്സി ഗതാഗതം മുടങ്ങി. ഡല്ഹിയില് സാധാരണ ജനജീവിതം അസാധ്യമായിത്തീര്ന്നിരിക്കുകയാണ്.
