ന്യൂഡല്ഹി: പ്രധാനമന്ത്രി പ്രഖ്യാപിച്ച 20 ലക്ഷം കോടി രൂപയുടെ കൊറോണ പാക്കേജില് 1.70 കോടി രൂപ പാവപ്പെട്ടവരെ ലക്ഷ്യമിട്ടുള്ള പ്രധാനമന്ത്രി ഗരീബ് കല്യാണ് പാക്കേജില് ആയിരിക്കും ചെലവിടുക.
ഇതിനു കീഴിൽ വരുന്ന പ്രധാന ഇനങ്ങൾ ഇനി പറയുന്നവയാണ്.
- ആരോഗ്യ പ്രവർത്തകർക്ക് 50 ലക്ഷം രൂപയുടെ ഇൻഷുറൻസ് കവറേജ് .
- മൂന്ന് മാസത്തേക്ക് ഒരാൾക്ക് അഞ്ച് കിലോ ഗോതമ്പ് വീതം നൽകുന്നതിന് 80 കോടി രൂപ
- അടുത്ത മൂന്നു മാസത്തേക്ക് ഒരോ വീടിനും ഒരുകിലോ പയറിനങ്ങള് നല്കുന്നതിന് വേണ്ട ചിലവ്.
- അടുത്ത മൂന്നു മാസത്തേക്ക് മാസം 500 രൂപ വീതം സ്ത്രീകളുടെ ജൻധൻ അക്കൗണ്ടിലേക്ക് നൽകുന്നതിന് 20 കോടി രൂപ.
- മൂന്നുമാസത്തേക്ക് എട്ടുകോടി പാവപ്പെട്ട കുടുംബങ്ങൾക്ക് ഗ്യാസ് സിലിണ്ടറുകൾ സൗജന്യമായി നൽകുന്നതിന് വേണ്ട ചെലവ്.
- 13.62 കോടി കുടുംബങ്ങൾക്ക് പ്രയോജനപ്പെടുന്ന തൊഴിലുറപ്പുപദ്ധതിയുടെ പ്രതിദിന വേതനം 182 രൂപയിൽ നിന്ന് 260 രൂപയാക്കി വർധിപ്പിക്കുന്നതിന് വേണ്ടിവരുന്ന ചെലവ്.
- പാവപ്പെട്ട വിധവകൾ, ദരിദ്രരായ മുതിർന്ന പൗരന്മാർ, ദിവ്യാംഗർ ഈ വിഭാഗങ്ങളിൽപെട്ട 83 കോടി ആളുകൾക്ക് 1000 രൂപ എക്സ്ഗ്രേഷ്യ ആയി നൽകുന്ന പദ്ധതിക്ക് വേണ്ടി വരുന്ന തുക.
- പ്രധാനമന്ത്രിയുടെ കിസാൻ പദ്ധതി പ്രകാരം ആനുകൂല്യം ലഭിക്കേണ്ട 8.7കോടി കർഷകർക്ക് 2000 രൂപ വെച്ച് ധനസഹായം നൽകുന്ന പദ്ധതി.
- തൊഴിലാളികൾക്ക് ആശ്വാസം നൽകുന്നതിനുവേണ്ടി കെട്ടിട നിർമ്മാണ തൊഴിലാളി ക്ഷേമനിധിയ്ക്കു സഹായം.
- പ്രതിമാസം 15,000 രൂപയിൽ താഴെ ശമ്പളം വാങ്ങുന്നവരുടെ ശമ്പളത്തിന്റെ 24% പ്രോവിഡണ്ട് ഫണ്ട് അക്കൗണ്ടിലേക്ക് നൽകുന്നതിനുള്ള അടുത്ത മൂന്നു മാസത്തേക്ക് സഹായം.
- എംപ്ലോയീസ് പ്രോവിഡന്റ് ഫണ്ടിൽ രജിസ്റ്റർ ചെയ്തിട്ടുള്ള അഞ്ചുകോടി തൊഴിലാളികൾക്ക് മൂന്നുമാസത്തെ ശമ്പളമോ ഫണ്ടിന്റെ 75 ശതമാനമോ ഏതാണോ കുറവ് അത് നൽകുന്നതിനുള്ള പദ്ധതി.
- വനിതാ സ്വയംസഹായ സംഘങ്ങൾക്ക് ഉള്ള ധനസഹായം പത്തു ലക്ഷത്തിൽ നിന്ന് 20 ലക്ഷമാക്കി വർധിപ്പിക്കുന്നതിനും അതിലൂടെ 6.85 കോടി കുടുംബങ്ങൾക്ക് സഹായം എത്തിക്കുന്നതിനും വൈദ്യപരിശോധനയ്ക്ക് ഉള്ള സൗകര്യങ്ങൾ വിപുലീകരിക്കുന്നതിനുള്ള പദ്ധതികൾ ജില്ലാ മിനറൽ ഫണ്ടിലൂടെ നടപ്പാക്കുന്നതിന് വേണ്ട സഹായം.
