ലഖ്നൗ: കടുവയുടെ ആക്രമണത്തില് മൂന്ന് കര്ഷകര്ക്കു പരിക്കേറ്റു. ഉത്തര്പ്രദേശിലെ പിലിഭിത്ത് ജില്ലയിലെ ഒരു ഗ്രാമത്തിലാണ് സംഭവം നടന്നത്. കാട്ടില്നിന്നുവന്ന കടുവ ട്രാക്റ്ററില് ഇരിക്കുകയായിരുന്ന കര്ഷകരെ ആക്രമിക്കുകയായിരുന്നു. കര്ഷകരെ കടുവ ആക്രമിക്കുന്നതിന്റെ വീഡിയോ ദൃശ്യങ്ങള് പുറത്തുവന്നിട്ടുണ്ട്. വടിയും മറ്റുമെടുത്ത് അവര് കടുവയെ ഓടിക്കാന് ശ്രമിക്കുന്ന ദൃശ്യങ്ങള് വീഡിയോയിലുണ്ട്.
ദിവസങ്ങള്ക്കുമുമ്പും ഇവിടെ സമാന സംഭവം ഉണ്ടായിരുന്നു. 45കാരനായ മത്സ്യതൊഴിലാളിക്കുനേരെ ആയിരുന്നു അന്ന് കടുവയുടെ ആക്രമണം ഉണ്ടായത്. മീന്പിടിത്ത ബോട്ടിലേക്ക് ചാടിക്കയറിയ കടുവ മത്സ്യതൊഴിലാളിയെ ആക്രമിക്കുകയായിരുന്നു. സംഭവം നടക്കുമ്പോള് ഇയാളോടൊപ്പം രണ്ടുപേര്കൂടി ഉണ്ടായിരുന്നു.
