ന്യൂഡല്ഹി നവംബര് 22: തീരദേശ നിയമം ലംഘിച്ച് മരടില് അനധികൃതമായി നിര്മ്മിച്ച ഫ്ളാറ്റുകള് പൊളിച്ചുനീക്കാനുള്ള ഉത്തരവ് നടപ്പാക്കുന്നതിലെ പുരോഗതി ഇന്ന് സുപ്രീംകോടതി പരിശോധിക്കും.പൊളിച്ചു നീക്കുന്നതിനുള്ള നടപടികള് ആരംഭിച്ച് കഴിഞ്ഞതിന്റെ വിവരങ്ങള് വ്യക്തമാക്കുന്ന സത്യവാങ്മൂലം സര്ക്കാര് കോടതിയില് സമര്പ്പിക്കും.
കഴിഞ്ഞ തവണ കേസ് പരിഗണിച്ചപ്പോള് എല്ലാ ഫ്ളാറ്റ് ഉടമകള്ക്കും 25 ലക്ഷം രൂപവീതം വിതരണം ചെയ്യാന് സുപ്രീംകോടതി ഉത്തരവിട്ടിരുന്നു. ഇത് സംബന്ധിച്ച് എത്ര ഫ്ളാറ്റ് ഉടമകള്ക്ക് തുക നല്കി എന്നതടക്കമുള്ള കാര്യങ്ങള് കോടതി പരിശോധിക്കും.
