ഇസ്ലാമാബാദ് നവംബർ 6: കർതാർപൂർ ഇടനാഴിയിലെ പാകിസ്ഥാന്റെ ഔദ്യോഗിക ഗാനം വിവാദത്തിനിടയാക്കി. സിഖുകാർക്ക് ഗുരുദ്വാര ദർബാർ സാഹിബ് കർതാർപൂരിന്റെ പ്രാധാന്യം അടിവരയിടുന്ന പ്രധാനമന്ത്രി ഇമ്രാൻ ഖാന്റെ സന്ദേശം കാണിക്കുന്ന വീഡിയോ ട്വിറ്ററിൽ പാകിസ്ഥാൻ സർക്കാർ പങ്കിട്ടു. ഗുരുദ്വാര സന്ദർശിക്കുന്ന സിഖ് തീർഥാടകരേയും വീഡിയോയിൽ കാണാം.
അതേസമയം, ഖാലിസ്ഥാൻ നേതാക്കളായ ജർനൈൽ സിംഗ് ഭീന്ദ്രൻവാലെ, അമ്രിക് സിംഗ് ഖൽസ, മേജർ ജനറൽ ഷബേഗ് സിംഗ് എന്നിവരെ കാണിക്കുന്ന വീഡിയോയിലെ പോസ്റ്റർ വിവാദത്തിലേക്ക് നയിച്ചു.
ഖാലിസ്ഥാൻ അനുകൂല നേതാവായിരുന്ന ജർനയിൽ സിംഗ് ഭീന്ദ്രൻവാലെ ദാംദാമി തക്സൽ എന്ന മതസംഘടനയുടെ തലവനായിരുന്നു. ഖാലിസ്ഥാൻ അനുകൂല സിഖ് വിദ്യാർത്ഥി നേതാവായിരുന്നു അമ്രിക് സിംഗ് ഖൽസ.
നവംബർ 9 ന് തുറക്കാനിരിക്കുന്ന ഇടനാഴി ഇന്ത്യൻ തീർഥാടകരുടെ വിസ രഹിത യാത്രയ്ക്ക് സൗകര്യമൊരുക്കും.
