ചെന്നൈ: കേരളത്തില് നിന്നും വരുന്നവര്ക്ക് ആര്ടിപിസിആര് നെഗറ്റീവ് സര്ട്ടിഫിക്കറ്റ് നിര്ബന്ധമല്ലെന്ന് തമിഴ്നാട് സര്ക്കാര് 09/03/21 ചൊവ്വാഴ്ച അറിയിച്ചു. 72 മണിക്കൂറിനുള്ളില് എടുത്ത ആര്ടിപിസിആര് നെഗറ്റീവ് സര്ട്ടിഫിക്കറ്റ് ഉള്ളവരെ മാത്രമേ അതിര്ത്തി കടത്തിവിടുകയുള്ളൂ എന്ന വാര്ത്തയെ തുടര്ന്ന് ഗതാഗത സെക്രട്ടറി കെ.ആര്. ജ്യോതിലാല് തമിഴ്നാട് സര്ക്കാരിലെ ഉയര്ന്ന ഉദ്യോഗസ്ഥരുമായി ബന്ധപ്പെട്ടപ്പോഴാണ് മറുപടി ലഭിച്ചതെന്ന് മുഖ്യമന്ത്രിയുടെ ഓഫീസ് അറിയിച്ചു.
അതേസമയം, സംസ്ഥാനത്ത് നിന്നുള്ള എല്ലാ യാത്രാവാഹനങ്ങളും ചരക്ക് വാഹനങ്ങളും തമിഴ്നാട് അതിര്ത്തിയില് ആരോഗ്യവകുപ്പിന്റെ നേതൃത്വത്തില് പരിശോധിക്കുന്നത് തുടരുകയാണ്. യാത്രക്കാരുടെ ശരീര ഉഷ്മാവും പരിശോധിക്കുന്നുണ്ട്. എല്ലാ ചെക്പോസ്റ്റുകളിലും തമിഴ്നാട് ആരോഗ്യവകുപ്പ്, തദ്ദേശവകുപ്പ്, പൊലീസ് എന്നിവയുള്പ്പെട്ട സംഘമാണ് പരിശോധന നടത്തുന്നത്.
